Annus
2 0 0 8


01Indian Muslims in Hyderabad offer prayers for the religious festival Eid al-

Musulmani Indicae urbis Hyderabad precantur tempore festi Eid al-Adha, quo memoratur victima Isaac, quem pater eius, Abraham, iam iam necaturus erat, ut docent scripturae sacrae et Musulmanorum et Iudaeiorum.

In litore maris ad urbem Australianam Sydnei actuosi ordinis circumiectalis Greenpeace reclamitant apprehensioni duorum Iaponensium, qui contra piscaturam balaenarum reclamabant.

Pompam curruum habentes pauperes collectores sordium urbis capitis Uruguaianae, Montis Observatoriae (Montevideo), reclamitant contra violentiam erga suos biocolytarum.

Chimala est nomen hippopotami, qui nunc aqua emergit in therotropheo Hannoverensi Germanorum.

In transparentem cistam plasticeam irrepsit mulier quaedam Germana eo modo celebrans sexagesimum anniversarium Universalis Declarationis Iuris Humani reclamansque mercatui hominum.

Leonum more saltando gaudent incolae emporii Formosanae Keelung annuntiato primo post bellum civile Sinense (anni 1949) commeatu directo navium aeroplanorumque inter Formosam (insulam Taiwan) et Sinas continentales.

Bagdati multi homines poscunt liberationem diurnarii, qui ausus sit tempore conferentiae diurnariae caligas sui in US-Americanum praesidentem Georgium W. Bush proicere.

Sanitatis et agriculturae ministri Hiberniae Borealis, Michael McGimpsey et Michelle Gildernew fruuntur traditionali ientaculo Hibernorum, hoc modo suos peregrinosque persuadere conantes recentem hic repertionem in carne suilla dioxynarum nulli vero momenti sanitati esse.

Hungarus quidam scaccias cum collega ludit in vacua statione ferroviae Keleti Budapestini. In Hungaria operistitium pronuntiatum est a machinariis traminum aliisque ferroviae operariis, qui maiora salaria poscunt.

Septendecim candelas sui corpore portans vir quidam Cubanus Havanensis preces facit ad sanctum Lazarum, qui curare creditur leprosos.

Apis Australiana appelit florem cacti, qui flos una tantum nocte floret, postridie mane macescens.

Scripsit ANL



Retro ad:

Novissima editio
Summum paginae