De magistro fistulam cannabis fumificante

Florentiae, in praeclara urbe Italica, magister scholae cuiusdam ante discipulos adolescentes sibi fistulam cannabis fumificavit. "Euge, magister! - inquit discipulus - euge! sumisne cannabim?" Cui ipse: "Quid ergo? Putan me talia numquam cognovisse?". "Magister - ait puella - haec ad inscriptionem YouTube mittemus. Si quis aspexerit, nescioquis in vincula conicietur!" Dein telephonium mobile cathedrae appropinquat et eo fistulae imaginem magnificatam imprimit, quae cannabis plena videtur.

Re vera imagines in inscriptione YouTube apparuerunt, unde paulo post amotae sunt, magistrum ergo cannabifumificantem ex labore scholae illius praefectus ad tempus arcuit, donec custodes publici indagaverint.

Scripsit Herimannus Novocomensis