Ioga non satis islamica

Rectores islamici Malesiae iusserunt suis fidelibus institutionem iogae evitare, sit enim haec disciplina nimis religione Indorum onerata. Si quis musulmanus porro iogae sit studendus, ei minabitur anathema sive fatva. Sacerdotibus islamicis imprimis non placeant cantantiones intedum in cursu iogae cantatae.

Maior pars civium Malesiae sunt fautores fidei islamicae, magni tamen sunt numeri hic habitantium Sinensium Indorumve. Hi ambo saepissime sunt iogae fautores, adsunt tamen quoque Malesianae gentis musulmani, praesertim mulieres, quae iogam imprimis ad corpus animumque exerecendum colunt. Neque desunt inter huius disciplinae amatores negotiatores nonnulli, qui mane, antequam foris bursariis se commendabunt, paulo exercitatione frui solent. Exsecratione modo ab islamicis rectoribus edita, moderatores maximae in Malesia societatis iogae promovendae dixerunt se nulli religioni obnoxios esse.

Scripsit