Annus
2 0 1 0


De fossoribus celeberrimis

De fossoribus celeberrimis

Tanta diurnariorum obsidio in fodinarios Chilienses agitur atque ad televisificas collocutiones adeo crebras his diebus sunt vocati, ut ipsi iam se confiteantur fessos et a diurnariis et reliquis civibus indutias poscant; hi operarii ad publicam actuositatem nunquam assuefacti erant, etiam eorum unus Omarus Reygadas aperte dixit intra cuniculum inclusus melius se gessisse quam foras, nam ex nervis nunc laborat seque in somnum vix dare potest;  plerique auxilium psychologicum petierunt; tamen sunt qui adhuc fruuntur invitationibus ad colloquium televisificum quia ex eo pecuniam accipiant.

Interea Carolus Vilches senator cum fossore quodam collocutus didicit fodinae dominos noluisse operarios sub divum redirent tres horas ante ruinam: qui ascensum petierant, quod insuetos strepitus audiissent: quod societatis patronus firmiter negavit.

Scripsit Paulus Kangiser



Retro ad:

Novissima editio
Summum paginae