Annus
2 0 1 0


<h2>Periculum concursationum inter Coreas</h2>

Periculum concursationum inter Coreas

Regimen Sinense sollicitatur propter navium bellicarum (quarum unam min imagine conspicis) motus haud longe a finibus Boreocoreanis et se pollicetur omnia facturum esse, ne res in peius commutentur. Post enim ictus septemtrionalium in insulam Yeonpyeong, increscit dimicationum periculum propter exercitia navalia USAe et Austrocoreae, quae haud longe fiunt a confinio maritimo de quo disputatur: quibus tempus certum iam diu constitutum erat. Duces Coreae septemtrionalis, qui se adversus provocationes arma cepisse adfirmant, dixerunt se missilia denuo coniecturos esse si modo extra fines adversarii egressi erint. Die Solis missili deiecto insulae incolae, quorum viginti tantum ibi manere voluerunt, iussi sunt in latebras confugere, diurnarii aufugere.

Scripsit Herimannus Novocomensis



Retro ad:

Novissima editio
Summum paginae