Annus
2 0 1 0


Incarcerati 83 pereunt flammis combusti

Incarcerati 83 pereunt flammis combusti

In carcere Santi Michaelis, in parte Urbis Iacobopolis meridionali posito, incendium magnum incepit a rixa inter reos, qui mucrones celatos sub culcitas habebant, nam interdum sive de more certant sive stupratores, qui ibi includuntur, ultione ipsi afficiunt;  propter hanc rixam die 8 Decembris multo mane habitam, putatur fornaculum gestabile, quo intra cellam solent theam vel caffeam parare, inflammatum esse, neque statim siphoniarii sunt vocati nam vigiles perpauci sunt quam ut omnes reos custodire possint; haec est diuturna penuria in carceribus Chiliensibus.

Postea incendio iam flagrante non ex tabulato quinto, ubi focum ardebat, sed ab inferis incarcerati sub ordine ne in fugam opportunitate danda sese darent, sunt educti; id saltem ab incarcerato, qui incolumis exivit et a diurnario interrogatus, compertum est.

Interea nomina defunctorum, quae comixta cum sospitibus ab initio dabantur, in propinquos et amicos reorum timorem inferebant, adeo ut hi in vigiles vim inferre intendebant; exinde publicae autoritates nec non iudices in sua cuiusque facultate rem suscipiunt.

Scripsit Paulus Kangiser



Retro ad:

Novissima editio
Summum paginae