Annus
2 0 1 0


PERCONTATIO IOHANNIS BYRT,

PERCONTATIO IOHANNIS BYRT, QUI PRAEEST EVANGELICO-AUGSBURGIANAE PAROCHIAE OPPIDI SZCZYRK POLONORUM

Familia sacerdotibus non nocet

Eva (Ewa) Furtak, ephemeris "Gazeta Wyborcza": Novissima scandala ethica, quae ecclesiam catholicam percutiunt, efficiunt, ut multi denuo cogitent de necessitate sacerdotum caelibatum observare...

Reverendus Iohannes (Jan) Byrt: Nullo in loco Scriptura Sacra docet sacerdotem uxorem ducere non posse. Nosco multos sacerdotes catholicos, qui essent, si id iis liceret, optimi mariti patresque, nullo ob hanc rem detrimento officio eorum sacerdotali imminenti. Mea sententia sacerdotibus data debeat esse facultas eligendi, utrum velint familiam condere an non. Apud nos quoque non per vim coguntur sacerdotes uxores ducere. Puto hodie multis solitaria vita vivere faculius esse, nam familiam condere responsabilemque maritum ac patrem manere possunt tantum viri re vera adulti. Hoc dico ego, Iohannes Byrt, homo simplex ex oppido Szczyrk, monticola, sacerdos ac simul pater trium puerorum.

Furtak: Nonnulli dicunt maximam difficultatem caelibatus esse prohibitonem relationes carnales habere. Estne ita vero?

Byrt: Non credo, haec difficultas non est hic maximi momenti. Maxime enim difficilem puto solitudinem. Nam ego, cum peius me sentiam, nam adsunt nobis omnibus dies meliores peioresque, semper uti possum uxoris auxilio.

Quae uxor poculum theae mihi tali in temporis momento praebebit ac dicet: "Noli angoribus te dedere, cras omnia erunt meliora". At nescio quid facerem, si sola optio, quae mihi maneret, esset in domum vacuam redire.

 

Scripsit Stanislaus iconoclastes.blog.onet.pl



Retro ad:

Novissima editio
Summum paginae