Annus
2 0 1 0


Theodisci Argentinos frangunt, Hispani Paraguaios superant

Theodisci Argentinos frangunt

Profligatus est a Germanis manipulus pedifollicus Argentinus, a praeclaro lusore Maradona (in imagine fracto) ductus: quater rete Americanorum folle quassus est. Primum punctum Thomas Müller (ut in imagine conspicis) consecutus est.

Hispani Paraguaios superant

Certamine fere confecto, Hispania sibi ultimum locum inter optimos quattuor manipulos comparavit, Paraguaiis victis. Follem in rete David Villa proiecit. Paulo ante ambo competitores ictum poenarium non collineaverant. Ergo Batavi cum Uruguaiis Martis die, Hispani cum Germanis Mercurii die sibi locum in summo certamine contendent.

Scripsit Herimannus Novocomensis



Retro ad:

Novissima editio
Summum paginae