Nestor Kirchner

Nestor Kirchner qui ab anno 2003 ad 2007 Argentiniae Praeses fuit,  mortuus est ob morbum cardiacum acutum in nosocomio prope villam suam rusticam in loco cui nomen El Calafate, in parte suae nationis meridionali positam; Kirchner sexaginta annos compleverat et coniunx  praesidi vigenti  Christinae Fernández erat;  multos annos in factione politica Peronistica militavit, qui  primo ab anno 1987 burgomagister urbis “Río Gallegos” et dein  gubernator  provinciae sive regionis “Sancta Crux” appellatae fuit; hoc munere usque ad annum 2003  functus erat.

Scripsit Paulus Kangiser