TINTINNABULA TRIUMPHANT IN PARVA LUCANIAE URBE

Sanctus Maurus Fortis, parva Lucaniae urbs (in meridiana Italiae parte posita), triduum festivum ac laetum celebrat: tintinnabula undique triumphant.

Sacra ac profana caerimomia simul. Eadem initium capit a.d. XVIII Sancto Mauro (urbis nomini) dicatum et finem habet a.d. XVI Kal. Febr. Sancto Antonio Abbati (urbis patrono) dicatum (15-17 Ianuarii).

Primus festus dies etiam Saturnalium initium est.

Tintinnabulorum ritus ad Matris Terrae cultum, ad animalium transmigrationem, ad porcorum alimentum pertinet; urbs, de qua loquimur, in montibus sita est, cuius lucus animalibus atque civibus cibum praebet.

Hoc in triduo dies noctesque multi , inter quos iuvenes et mulieres, pastorum vestes induti, tintinnabula plerumque ampla iactantes, quae sub animalium cervicibus pendere solent, tympana pulsantes, cum ter circumierint ecclesiam in qua Sancti Antonii Abbatis effigies posita est, vias percurrunt.

Quiescunt aliquando in effossis cellis vinariis, ubi, ab amicis vocati, lucanicas et vinum degustant; his in cavernis vinum in vitreis lagoenis continetur, quae severae matronae videntur in ordine collocatae, quasi gaudium sint suppeditaturae dominis eorumque sodalibus.

Scripsit Dominicus Gallipoli