Annus
2 0 1 0


EXPECTATUS RITUS “

EXPECTATUS RITUS “AFFRUNTATA” CELEBRATUS EST SANCTI ONOFRI

Die Dominico undecimo mensis Aprilis 2010 expectatus ritus “Affruntata” celebratus est Sancti Onofri, parvula urbe Italiae meridionalis provincia Vibi Valentiae. Hac est pompa quae facta est more maiorum die Pascae ut circumferuntur in forum civitatis ab leticariis statuae Cristi, Mariae Virginis et Sancti Johannes.

Verumtamen hoc anno pompa celebrata non est Die Pascae (4 mensis Aprilis) sed hebdomade sequente. Luigi Rienzo episcopus Mileti antea miserat per paroecias provinciae cohortationem ut scelesti homines excluderentur a partibus magni momenti pompis et ritis religiosis. Sic, quia usque ad illud tempus partes lecticarii semper fuerant in manibus sociorum globorum latronum (italice 'ndrangheta).

Quotannnis hi latrones utebantur rito religioso ad ducendos in conspectum civitatis socios novos et ad ostendendum in publico suam potestatem. Ideo hoc anno Sancti Onofri gratulati non sunt duces globorum latronum (italice 'boss mafiosi') quia exclusi erant aliqui suorum sociorum. Haec aegritudo patefacta est duobus ictis manualis pyroboli contra ianuam domus magistri sodalitatis Sanctissimi Rosarii, Michele Virdo, qui est praefectus ad eligendos partes leticariorum.

Post hoc flagitium statutum est differre pompam in hebdomadem sequentem et fama huius facti cucurrit per totam Italiam quamvis Sanctus Onofrius sit urbs valde parvula. Mixtura vulgarum morum religionis et rituum globorum latronum antiqua est. Latroni et homini scelesti se putabant et se putant rectos christianos esse hominesque honore dignos (italice'uomini d'onore'). Verum nunc res incipiunt videri alio modo urbe Sancti Onofrii. Hoc possit esse principium novi cursus.

Scripsit I. A. Caesenatis (andgiacomo@tiscali.it)



Retro ad:

Novissima editio
Summum paginae