Annus
2 0 1 1


<h1>De Serbis reclamantibus</h1>

De Serbis reclamantibus

Multitudo Serborum in Belgradi foris viisque postulant, ut brevi tempore suffragia ferantur: LV milia civium a factionis progressivae duce Thomas Nikolic convocata ante palatium senatorium incesserunt et magna cum voce comitia ante tempus statutum expetiverunt. Thomas contionans dixit: "Vos novi ob regimen improbum et noxium delusos et maestos esse: cui noceamus!"

Nam difficultates oeconomicae increscere pergunt, cum Serbia ad Unionem Europaeam appropinquet. Ab anno MMVIII Emmericus Cvetkovic ut minister primarius foedus compositum decem factionum rempublicam regit, populus tamen fame et operae defectu affligitur.

Scripsit Herimannus Novocomensis



Retro ad:

Novissima editio
Summum paginae