Osama bin Laden interfectus est

Civitatum Americae Unitarum praesidens Baracus Obama magna cum laetitia nuntiavit Osamam bin Laden in Pacistania a militibus Americanis interfectum esse, totum orbem nunc securiorem et meliorem esse.

Osama bin Laden putatur caedem immanem diei XI mensis Septembris anni MMI fieri curavisse multaque alia facinora tromacratica perpetrasse, quam ob rem ab USAe regimine diligentissime requirebatur. Adgredientibus militibus, se una ex suis uxoribus tegere temptavit.

Osamae corpus, quod Pacistani gubernatores in patria sua inhumari noluerunt, candido linteo involutum aequoris fluctibus traditum est.

Scripsit Herimannus Novocomensis