Petroleum Libyum

Donec nationes Islamicae de potestate politica pugnas intestinas gerant, vel his diebus in Libya, petrolei pretium, quod iam auctum erat, in posterum non videtur decresci; immo, quanvis Arabia Saudiana aliique petrolei generatores possint satis copiam continenter Europae praebere,  tamem pretium non minuitur, adeo ut denuo incrementari possit, praesertim in Italia atque Hispania quarum amplae officinae periclitantur a rebus incertis in Libya, ubi plerique cives Mahometum Gaddafi, qui annos 42 potestatem publicam tenuit, postulant abire.

Libya est Africanorum quartus maior petrolei generator et totius mercatus mundani duae centesimae (2%) ab ea proveniunt, geologicaeque cumulationes sub solo Libyo maximae habentur. Attamen res publicae in Africa septentrionali tam male se gerunt ut singuli petrolei cadi plus quam dollarum 106 iam venum dentur.

Scripsit Paulus Kangiser