PARISINI NOVUM INCURSUM TERRITORUM PAVENT

Pavor Lutetiam Parisiorum rediit. Autoraeda notaculo carens cuius in habitaculo vas gasarium vacuum, sex autem plena in receptaculo sarcinario inventa sunt, ante ecclesiam cathedralem “Nostram Dominam” cum instrumentis micantibus derelicta est. Inventio, ut acta diurna “Le Figaro” renuntiaverunt, nocte inter diem Saturni et diem Solis facta est; vasa neque apparatui dispolosivo neque alii structurae iuncta esse. Autocinetum duas horas in interdictione commorationis mansisse.

Viri consilii contra tromocratas rem inquirunt suspicantes puellam undeviginti annorum vasa gasio replevisse, cuius pater dominus autocineti rettulit filiam vehiculum cepisse velut si iter cum amica faceret. Puella, cum Jihadista sit, publicis custodibus nota est; coniuges suspecti comprehensi sunt.

Ante aliquot dies televisio CNN vulgavit die 13 mensis Novembris anni 2015 praeter Lutetiam aliis locis Europaeis plurimos incursus conficiendos esse. Periculum ubique conclamatum est.

Scripsit Lydia Ariminensis