PETITIO CHEMICA NON EXSTITIT

Peritus Americanus gasium noxium in Syriam non coniectum esse declaravit

Incursus auxilio gasiorum in pago Syriaco Khan Sheikhoun prope Idlib non effectus est: quam sententiam professor scientiae peritus missilium ballistariorum Theodorus Postol, iam consultor apud vim nauticam Civitatum Unitarum, declaravit; inspectis centenis photogrammatum iudicavit non illic tenias visificas factas esse, ubi ergasterium percussum est sed in cunicolo in saxo excavato. Praeterea gasium Sarin nominatum adhibitum non olere et colore carere, aliter ac dictum esse, quasi nubes russea et foetida fuisset. Deinde necesse ventum nubem noxiam in pagum circiter trecenta metria absentem impellere, quod non extare. Reliquias autem ex photographiis ictus armorum quam pyrobolos demonstrare. Demum imagines emissas et tempus petitionis non congruere; photographemata puerorum vetera. Etiam aliqui societatis NATO de re dubitant.

Praeses Assad prorus negavit se armis chemicis usum esse; omnia se iam dedisse ex foedere cum Ordine Nationum Unitarum anno MMXIII facto. Actio bellica per interrete et instrumenta communicationis, ut videtur, simulata est.

Scripsit Lydia Ariminensis