PAX INTER PALAESTINOS FACTA EST

Principes duarum factionum inter se convenerunt

Factiones Palaestinorum usque ad hoc tempus adversae, invicem consenserunt, quod est principium concordiae reconciliationis. Nam Ismail Haniyeh, princeps factionis Hamas nuntiavit suum gregem foedus pactum esse cum partibus Fatah Praesidis Abu Mazel , auspice auctoritate Aegyptia, in conventu Cairi peracto. Foedus amplius mox explicatum iri.

Quod tractabitur spectabit ad transitus, comitia, securitatem, administrationem ministeriorum, publicos ministeriales , numero quadraginta fere milia, qui operam dederunt ab anno MMVII, cum grex Islamistarum tractum Gazae occupavit cruentiore bello contra Fatah confecto. Iam consilia capta sunt ut conventus magni momenti celebraretur: primum Praeses Auctoritatis Palaestinae Abu Mazel Gazam intra unum mensem se conferet, qui adventus numquam ab anno occupationis evenerat.

Tractum Gazae prope vicies centena milia Palaestinorum incolunt, qui, postquam Israeliani recesserunt, ab Hamas occupatus, impedit ne res publica Palaestinorum legitima ab omnibus nationibus putetur. Nam haec factio favens terrorismo iudicatur, qua re ipse Abu Mazel non dignus fede existimatur. Minister Primarius Israelis Benjamin Netanyahu promisit se numquam foedus facturum esse cum administratione quae pro omnibus partibus Palaestinorum tractaret, dummodo Hamas arma coniceret, ab Irania deficeret et rem publicam Israelis agnosceret.

Scripsit Lydia Ariminensis