Annus
2 0 1 7


HIERUSALEM ORIENTIS CAPUT PALAESTINAE

Hoc LVII nationes Islamicae declaraverunt

gerusalemme.jpg

Corpus Auxilii Islamici (OIC) cum ad contionem convocatum esset Byzantium nulla interposita mora Hierusalem Orientem caput rei publicae Palestinae renuntiavit. Quo modo responderunt LVII participes societatis consilio Praesidis Trump quo prioribus diebus Hierusalem caput Israelis probatum est quoque legatio Americana translata est. In documento ultimo non legitimum et contra legem quod de novo capite Israeliano indictum est declaratur ac petitur ut omnes nationes cum Palaestinis conveniant. Inter postulata etiam ut finis fiat occupationis Palaestinae.

Nuntius non differendus missus est etiam Consilio Securitatis Ordinis Nationum Unitarum ut contra decretum Praesidis Trump operam daret , quin etiam nationes Islamicae paratae sunt ad violationem denuntiandam coram Concilio Communi huius corporis . Praeses Societatis pro Liberatione Palestinae (Anp) Mahmūd Abbās petiturus est ut Palaestina iure in ONU accipiatur.

Praeses Turcarum Erdogan scilicet fautor contionis extraordinariae fuit, qui Israel occupantem et territorem descripsit: Civitates Americae Unitas interpretes pacis in Medio Orienti iam esse non posse, qua re novum sponsorem quaerendum.

Scripsit Lydia Ariminensis



Retro ad:

Novissima editio
Summum paginae