Annus
2 0 1 7


DE LINGUA LATINA MERCATORIA

DE LINGUA LATINA MERCATORIA

Congressus studiorum - Lingua Latina mercatoria

Societas culturalis “Leonardus”, quae sedem habet in Italia, proponit atque parat congressus studiorum quorum materia est “Lingua Latina mercatoria (Business Latin) – voces locutionesque pro negotiorum gestoribus huius aetatis”.

Primus coetus paratus est die 28 mense Maio 2016 apud magnificam aulam “Lazzaroni” Romae auxilio societatis culturalis “Acem” gestorum negotiorum sectoris energiae.

Interfuerunt 40 gestores negotiorum. Professores fuerunt Lucas Cupidus (nomine vulgari Luca Desiata, fundator et curator periodici aenigmatum Latinorum “Hebdomada Aenigmatum” et administrator delegatus societatis “Sogin”), Daniel Gallagher (princeps ministerii Vaticani studiorum Latinorum et curator imaginis “twitter” Pontificis), Gianluca Sinibaldi (creator applicationis informaticae “Lvdvs” quae linguam Latinam ludendo docet) et Marica Ascione (professor linguae Latinae). Franciscus Rutelli, qui ab anno 1993 usque ad annum 2001 magister urbis Romae et ab anno 2006 usque ad annum 2008 minister cultus humani fuerat, congressum aperuit sermone per medium electronicum visivum vulgato.

Exitus huius primi experimenti demonstrat magnam curam de lingua Latina non deesse si haec proposita est in forma idonea.

Scripsit Lucas Cupidus



Retro ad:

Novissima editio
Summum paginae