Socordibus minis correptus abivit Buenaventura (Valle) episcopus Hector Eplaza Quintero

Kalendarum novembrium hora circiter tertia, omnia sua secum portans, dominus episcopus Hector Eplasa Quintero, cuius sermones ardentes in Vigiles urbis innotuerant, e cathedrali "San Buenaventura" egresus dixit succesori suo domino Mario Humberto Góngora "se nequivisse fingere sacerdotem custodia corporis munitum aut auctoritates custodientes hostiam". Talia fatus ad aeriportum ductus per milites est, ibique Secundae Legionis Fluvialis Classis helicopterum conscensurus festinanter salutatus est a praefecto Saulo Quiñones, qui in nomine populi denuntiavit socordiam facti, quum sacerdos indefensus debeat discedere vitiata delinquentibus urbe. Qui delinquentes genere "siccarii" per monacham humili vico incolentem minati erant "se occissuros illum nisi confestim a portu discedat: seseque nolle occidere sacrum virum pro cuius nece quoddam aeris pondus accepissent". Praeter malitiam facti, hoc in tristissimo casu videtur occidendus aliquis ab occisuris servatum fuisse suis. (Nov. 2, 2006).