Etsi in sepulturam datus est, tyrannus rem publicam perturbat.

Exsequiis in ipsis ducis Augusti Pinochet uidere possumus quomodo ferant Chiliensis istius obitum: alii honores illi tribuebant, alii laetissimi saltabant. Hic Augustus Pinochet, miles ipse, tyranni nepos, orationem pro auo habebat eiusque gestis: statim e militia amotus est, cum contio apud milites res proprias excessisset usque ad publicas. Hic etiam Franciscus Cuadrado Prats, nepos Caroli Prats, imperatoris omnium militum sub Allende, necati Bonariae simul cum uxore mense Septembri 1974, ubi sicarii a tyranno emisi autocinetum eius pyrobolo ruperunt. Nepos, dicimus, spuit feretrum ipsa in Schola Militari.

Scripsit Quintus Gaetulius Bogotensis