Annus
2 0 1 3


in orbe
Homicida sui interfectrix pyrobolo dirupto XVI homines interfecit in urbe Russiae Volgograd. - 29/12/2013 22h44

In rubrica Poesis cantica Natalicia Croatica audiuntur, quorum versus in linguam Latinam conversi sunt. - 23/12/2013 22h51
in orbe
Duae ex rebellibus puellis Russicis quae se "Pussy Riot" appellant ex vinculis inopinate dimissae sunt. - 23/12/2013 15h56
oeconomia
Aestimatio solventiae fiscalis Unionis Europaeae deminuta est ab agentura aestiamotoria Standard & Poor's ad notam AA+. - 20/12/2013 14h12
politica
Decreto praesidentis Russiae Vladimiri Putin e carcere mox dimittendus est "baro petrolearius" Michael Khodorkovski, qui novem annos in vinculis mansit defraudatione pecuniae accusatus. - 20/12/2013 00h23
oeconomia
Russia credidit Ucrainae 15 miliarda dolariorium, simul pretium methani Ucrainis praebiti valde diminuens. Unio Europaea solum unum milardum obtulerat. - 19/12/2013 10h39
oeconomia
Pauciores obligationes regiminis USA emptura abhinc est Reserva Foederalis sive argentaria publica Americanorum (Fed). Tale consilium captum est propter meliorem opinato condicionem oeconomiae USA. - 19/12/2013 09h31
homines
Petrus O'Toole, praeclarus histrio qui partem Laurentii Arabici egit, XCI annos natus obiit. - 15/12/2013 22h05

Carmen Joannis Teresi publicatum est in rubrica Poesis. - 11/12/2013 23h14
in orbe
Kieviae reclamantes statuam Lenin in terram deiciunt, petentes ut pactiones cum Unione Europaea incipiant. - 08/12/2013 23h38
homines
Orbis terrarum luget post mortem Nelsonis Mandela, Africae Australis nigricolorum liberatoris. - 06/12/2013 22h38
homines
Nelson Mandela, heros liberationis Africae Australis, aetate iam provecta mortuus est. - 05/12/2013 23h35
politica
Post diuturnas reclamationes, rectores Thailandiae pollicentur astynomorum violentiam desitum iri, oppositores sedem regiminis occupant. - 04/12/2013 00h05
politica
Silvius Berlusconi ex senatu Italico expulsus est, quia condemnatus est ob vectigalium fraudem. - 27/11/2013 20h13
politica
Russorum praesidens Vladimirus Putin dicit patriae suae minaturam esse pactionem mercatoriam Ucrainae cum Unione Europaea, si fiat. - 26/11/2013 23h26
in orbe
Pactio facta est de Persarum usu roboris nuclearis, quod vix omnes crediderant fieri posse. - 24/11/2013 23h13
homines
Ante quinquaginta annos Joannes Fitzgerald Kennedy in urbe Dallas occisus est. - 22/11/2013 23h14
in orbe
In Sardinia fortis turbo XVI homines occidit. - 19/11/2013 21h04
in orbe
Calamitas nationalis in Insulis Philippinis indicta est a praesidente Benigno Aquino. - 11/11/2013 23h08
in orbe
Aeronavis Mexicana super agrum Venetionalum volans, ab huius nationis militibus deiecta est; Mexicum explanationes de re postulabit; putatur aeronavis ad narcomercatores pertinere. - 07/11/2013 23h25
politica
Post dicionem republicanam vicennalem, Wilelmus De Blasio democraticus Novi Eboraci praefectus creatus est. - 06/11/2013 23h45
politica
Coram iudices Aegyptios Mohammedus Morsi se ait tribunal non agnoscere, se praesidentem legitimum adhuc esse. - 05/11/2013 00h31
in orbe
Monaci Bavariae in domo situ obsita compertus est thesaurus Hitlerianus, id est MD tabulae pictae et statuae Nazistis imperantibus abreptae. - 03/11/2013 19h13

Carmen Joannis Teresi cum commentario publicatum est in rubrica Poesis. - 01/11/2013 15h34
socialia
Primum in Francia accidit: duae mulieres lesbicae, matrimonio homosexuali coiunctae, divortium apud iudicem nuper petierunt. - 30/10/2013 06h55
homines
Aloisius Reed, magnus cantor et auctor Americanus, mortuus est annos LXXI natus. - 27/10/2013 23h40

Duo carmina Aurelii Zvidulic publicata sunt in rubrica Poesis. - 23/10/2013 04h08
in orbe
Immane incendium furit in Nova Cambria Australi, in regione cuius caput est Sydneium. - 23/10/2013 04h07
politica
Csanad Szegedi, dux factionis dextrae Hungaricae Jobbik, postquam patefacta est eius origo Judaica ab omni munere politico discessit. - 22/10/2013 06h39
politica
Nigro-roseum foedus putatur iciendum esse ad Germaniae Rempublicam regendam. - 18/10/2013 23h39
homines
Clam in ignotum locum translatum est cadaver Erici Priebke. - 17/10/2013 09h16
in orbe
Multitudine reclamante Albani, in vico in collibus haud longe a Roma sito, habita sunt funera Erici Priebke apud domum Lefebvrianam. - 15/10/2013 22h36
in orbe
Septem homines qui in Syria pro Cruce Rubra et Semilunio Rubro operam dant ab armatis erepti sunt. - 13/10/2013 22h40
in orbe
Linter demersus inter Lopadusam et Melitam insulas CC migrantes transvehens. - 11/10/2013 23h55
in orbe
Post brevem raptum ministri primarii Libyci, ONU et USA confirmant se illi auxilium laturas esse ad democratiam instituendam. - 10/10/2013 23h55
politica
Lopadusae minister primarius Italiae Henricus Letta et praesidens Consilii Europaei Manuel Barroso sibilationibus iniuriisque accipiuntur. - 10/10/2013 00h39
in orbe
Cairi et in aliis Aegypti urbibus reclamant fautores amoti praesidentis Morsi: multae victimae computantur. - 06/10/2013 23h45
homines
Carolus Lizzani, praeclarus auctor cinematographicus Italicus XCI annos natus, sua sponte se in vacuum deiecit finem vitae suae imponens. - 06/10/2013 00h02
homines
Dux Vo Nguyen Giap, annum CII vitae suae agens, mortuus est: qui heros fuit belli Vietnamiensium contra Gallos et Americanos. - 04/10/2013 23h51
in orbe
Migrantum caedes immanis apud oras Lopadusae. Pontifex Franciscus exclamat: Pudeat! - 03/10/2013 20h04
politica
Ambae aulae senatoriae Italicae inexspectate fidem ab Henrico Letta ducto regimini confirmavere. - 03/10/2013 00h09
oeconomia
Administratio Foederalis Septentrioamericana nunc est intermissa, quia parlamentum praesuppositum nummarium denegavit in novum annum fiscalem, qui incipit a Kalendis Octobribus. - 01/10/2013 21h31
in orbe
Apud oram Siculam in mare de lintre verberibus deiecti sunt profugi a saevis nautis: quorum XIII demersi interierunt. - 30/09/2013 23h17
politica
In Italia ministri Silvio Berlusconi fideles a munere suo se abdicaverunt; novum discrimen paratur. - 30/09/2013 08h51
in orbe
In Belucistania, Pacistaniae regione ad meridiem et occasum vergentem, vehementi terrae motu L saltem homines interierunt. - 24/09/2013 19h58
politica
Angela Merkel eiusque factio democratica Christiana adversarios profligavisse videtur omnes competitores. - 23/09/2013 00h11
politica
Comitia hodie in Germania habentur, quibus putatur Angelae Merkel tertio cancellariae munus tributum iri. - 22/09/2013 15h17
in orbe
In emporio Nairobis magna caedes a muslimis tromocratis perpetrata est, qua XXXIX homines occisi sunt. - 22/09/2013 00h44
vitalatina
Hodie Vindobonae coepit conventus XIII societatris ALF, cum acroasibus Thomae Pekkanen et Victorii Ciarrocchi. - 18/09/2013 22h36
in orbe
Magistri, medici ceterique homines qui rei publicae gratia operam dant in tota Graecia reclamant propter regiminis volutantem multos dimittendi. - 18/09/2013 08h02
in orbe
Hodie incipit opus onerosum, ad navim "Costa Concordia" apud insulam Igilium scopulis confixam rectificandam. - 16/09/2013 08h40
in orbe
Al Caedae dux Ayman al-Zawahiri aggressiones contra USAe oeconomiam postulat.
Assad putatur chemicalia in bello adhibita alio advecta esse, ut indagatores lateant. - 13/09/2013 23h53
in orbe
Poenam capitalem pronuntiaverunt iudices Indi tribus viris, qui mense Decembri praeteriti anni in laophoro publico urbis New Delhi violaverunt mulierem 23-annorum, quae ob vulnera sibi tunc allata mortua est. Quartus violatorum se ipsum in carcere necavit. - 13/09/2013 12h55
in orbe
Post cladem electoralem Factionis Laboratoriae novum regimen Norvegiae faciet verisimiliter coalitio partium dextrarum: conservatistae, Factio Progressus, Factio Liberalis necnon populares. - 10/09/2013 09h54
in orbe
De paedophilia accusatus nuntius apostolicus in insula Dominicana, archiepiscopus Józef Wesołowski, munere revocatus est a papa Francisco. - 04/09/2013 22h46
in orbe
Praeses USA Barack Obama decrevit se cum ictu contra Syros exspectaturum, donec Congressus USA sententiam de hac re diceret.
Minister rerum exterarum Russiae, Sergey Lavrov, dixit die Lunae US-Americanos sibi nulla argumenta monstrasse exercitum Syrum arma chemica contra rebellatores civesque insontes adhibuisse. - 02/09/2013 12h02
in orbe
Mahometus al Beltagi, unus ex aestimatis ducibus Muslimae Fraternitatis, ab astynomis Aegyptiis comprehensus est. - 29/08/2013 21h38
in orbe
Bashar el-Assad in percontatione cum actis diurnis Russicis ait Americanos in Syria profligatum iri, sicut in Vietnamia. - 27/08/2013 23h08
in orbe
Civitates Americae Unitae promptae sunt ad puniendum regimen Siriacum, quod arma toxica adhibuerit. - 27/08/2013 08h37
in orbe
In Syria sclopetatum est contra raedas indagatorum Ordinis Nationum Unitarum. - 26/08/2013 19h32
in orbe
Apud litus Romanum vehemens procella inexspectate arbores eradicavit et lintres e mari in domorum tecta deiecit. - 25/08/2013 14h39
in orbe
Societas "Medici sine finibus" confirmat in sua nosocomia Syriaca multitudines aegrorum vaporibus toxicis affectorum allata esse. - 24/08/2013 18h42
in orbe
In Damasci suburbiis orientalibus plus quam mille viri mulieres pueri puellae ob nervis nocivis vaporibus interiisse referuntur. - 21/08/2013 22h51
in orbe
Oppositores regimen Syriae accusant, quod missilibus toxico praeditis contra totius orbis leges usi sint. - 21/08/2013 17h58
in orbe
Cancellaria Theodisca Angela Merkel campum internecionis Dachau visitans odium phyleticum firme repugnandum esse adfirmat. - 21/08/2013 06h11
in orbe
XXIV custodes publici apud Rafah, in paeninsula Sinai, a sicariis Islamicis saeve occisi sunt. - 19/08/2013 15h58
cinemata
Catalauni Alberti Serra "Historia mortis meae" primum praemium vicit in certamine cinematographico Locarnensi. - 17/08/2013 23h13
politica
Mohametus El Baradei, Aegypti Vice Praeses, munere abdicavit postquam cives ad 150 sunt in tumultu necati; tempora difficillima fiunt. - 16/08/2013 11h53
in orbe
Custodes publici Aegyptiaci, iussi Cairi plateas occupatas evacuare, centena aut millena (suam quisque sententiam communicat) interfecerunt. - 15/08/2013 11h44
in orbe
Cairi exercitus pristini praesidentis Morsis fautores ex platea vi expellere vult; qui in tota Aegypto reclamationes publicas parant. - 12/08/2013 01h42
in orbe
In Vietnamia pater et filius 40 annos in silva vitam degerunt, nam a bello Vietnamenti abhorrebant; anno enim 1973 postquam uxor duoque gnati pyrobolo morti sunt in silvam cum filio superstite fugit. Nuper inventi sunt. - 10/08/2013 01h24
in orbe
Nairobis aeriportus, Keniae capitis, immani incendio affectus est, quod totius Africae volatibus graves moras imposuit; adhuc ignorantur causae. - 07/08/2013 22h33
insolita
Duo pueri in provincia Canadensi Nova Brunsvicia magno pythone occisi sunt, qui e zoopolio per ficti venti ductus effugerat. - 07/08/2013 00h50
in orbe
Electrificina nuclearis apud Fukusima iterum refertur materia radioactiva aquas proximas polluere. - 05/08/2013 22h39
in orbe
Silvius Berlusconi, vir politicus Italicus, sine provocatione quadrienni custodiae ob vectigalem fraudem condemnatus est et a magistratu interdicitur. - 02/08/2013 09h38
in orbe
In Appennino interiore meridionali autoraeda longa de ponte alto decidit: XL saltem victimae computantur. - 29/07/2013 08h38
in orbe
Massae, in oppido Tusco, vir occidit uxorem, quae eum deseruerat et denuntiaverat, deinde sibi mortem conscivit. - 28/07/2013 22h48
in orbe
Cairi Saturni die plus LXX victimae computantur, exercitus vi forum Tahrir liberare iubetur. - 28/07/2013 09h00
in orbe
Quinque homines Alexandriae occisi sunt, dum non intermittitur contentio regiminis Aegyptii fautorum et oppositorum. - 27/07/2013 03h47
in orbe
In Hispania septentrionali tramen ferriviarium de via devertit, forsitan ob nimiam celeritatem: LXXX periisse referuntur. - 25/07/2013 22h30
homines
LXII sclopetationes ex Turri Londiniensi salutant Principem Cantabrigiensem, filium principis Wilhelmi et ducissae Catharinae. - 23/07/2013 08h43
politica
Post regnum vicennale a munere se abdicat Albertus II rex Belgarum, imperium filio Philippo tradens; factio Flandrica consulto sollemnibus non interest. - 21/07/2013 14h07
politica
Alexius Navalny, oppositor gubernatorum Russorum libertate donatus post captivitatem, se dixit candidatum fore ad sellam praefecticiam Moscuae. - 20/07/2013 21h34
in orbe
Franciscus pontifex, praecessore convento, consilium instituit, ut de rebus nummariis Vaticani investigetur. - 19/07/2013 22h26
in orbe
Michael Angelus Trevino Morales, dux saevae societatis pharmacorum illicitorum mercatoriae Zetas, in Mexico septentrionali captus est. - 16/07/2013 09h11
in orbe
Belfasti graves tumultus orti sunt, postquam custodes publici Orangistas vetuerunt, ne apud insulam catholicam rite procederent. - 14/07/2013 23h53
in orbe
CCC milia Sinensium domos suas relinquunt, quod vehemens procella "Soulik" appellata ex litore in interiores regiones appropinquat. - 13/07/2013 23h52

Die 12 mensis Iulii in Mexico celebrantur feriae advocatis dicatae, nam eo die anno 1533, in Universitate Mexicana, prima iuris lectio (“Prima de Legibus”) habita est. - 12/07/2013 23h29
socialia
Primum senatus Hibernicus legem adprobat, qua abortio matre vitam periclitante liceat. - 12/07/2013 06h54
politica
Iudices Aegyptii Mahometum Badie ducem Fratrum Muslimorum, a summo imperio nuper amotorum, violentiae excitatae accusant. - 11/07/2013 00h01
religio
In homilia Lopadusae habita Franciscus vehementer increpuit totius orbis neglegentiam in inopes et miseros.
Franciscus pontifex Lopadusae missam celebravit, postquam migrantes et fideles comiter salutaverat. - 08/07/2013 12h59
in orbe
In oppido Canadiensi Lacu Megantico XL victimae saltem computantur propter immane incendium traminis ferriviarii petroleo pleni reversi. - 07/07/2013 20h05
politica
Mahometus El Baradei, olim ONUs investigator, Aegypti minister primarius creabitur. - 06/07/2013 19h40
in orbe
In Colombia Robertus Pannunzi, maximus cocaini nundinator totius Europae, comprehensus est. - 06/07/2013 19h37
homines
Nelson Mandela, pulmonibus graviter laborans, machinis tantum adiuvantibus vitam suam protrahit; cuius propinquos medici adhortantur, ut vitae artificiosae finem imponant. - 04/07/2013 22h27
politica
Mahometus Morsi a munere praesidentis ab exercitu amotus est. - 04/07/2013 00h02
in orbe
Praesidens Aegyptiorum Mahometus Morsi ad domesticam captivitatem ab exercitus ducibus cogitur, quod a munere se abdicare noluerit neque cum oppositoribus egerit. - 03/07/2013 19h14
socialia
Ex recentissima Sinensium lege cautum est filios adultos, qui parentum senescentium obliti sint, multa sive poena pecuniaria damnari posse, etiam carcere. - 02/07/2013 08h34
in orbe
XIX siphonarii interierunt in Arizona, dum magnum incendium silvanum debellare conantur. - 02/07/2013 00h50
in orbe
Cruor iterum profluit Cairi, ingentibus reclamationibus contra regimen a Morsi ducto. - 01/07/2013 08h01
in orbe
Africam australem visitans Baracus Obama extollit Nelsonem Mandela ut omnibus hominibus exemplum, dum ille aetate provectus gravi morbo aegrotat. - 29/06/2013 23h52
in orbe
Africam australem visitans Baracus Obama extollit Nelsonem Mandela ut omnibus hominibus exemplum, dum ille aetate provectus gravi morbo aegrotat. - 29/06/2013 23h52
in orbe
Armati Talibani aedes praesidentis Afganorum expugnare frustra temptaverunt. - 25/06/2013 13h08
in orbe
Silvius Berlusconi, olim minister primarius Italicus, septem annorum custodiae condemnatus est ob puellae meretricium et repetunda. - 24/06/2013 19h19
in orbe
Armati Talibani undecim homines occiderunt in deversorio Pacistano; in numero victimarum sunt periegetae Sinenses et Ucraini. - 23/06/2013 18h33
in orbe
Minister justitiae USAe persequitur Eduardum Snowden, exploratorem Securitatis Nationalis qui recondita sibi muneris causa nota diurnario patefecerit. - 22/06/2013 12h43
politica
Factio Democratica Sinistra Graeciae foedus cum ceteris sociis gubernaculum regentibus rescindit, post clausuram retis televisifici publici ERT. - 21/06/2013 16h15
in orbe
Non desinunt tumultus in tota Brasilia; praesidens Dilma Rousseff itinere in Japoniam renuntiat. - 21/06/2013 00h09
in orbe
In magnis urbibus Brasiliae vehementes reclamationes ortae sunt contra pretia aucta et ingentia impendia ad certamina pedifollica mundana et Olympia paranda. - 19/06/2013 08h00
in orbe
Rectores octo maximarum orbis civitatum post conventum in Hibernia de vectigalium evasoribus repugnandis convenerunt; minime de bello Syriaco. - 18/06/2013 21h25
in orbe
Tribunal supremum Hellenicum statuit non licere rete televisificum publicim ERT a regimine claudi: quod cras transmittere recipiet. - 17/06/2013 23h16
in orbe
Dum rectores et praesidentes octo potentissimarum civitatum in Hibernia septentrionali conveniunt, Russi negant zonam volatui interdictam supra Syriam instituendam esse. - 17/06/2013 15h47
in orbe
Constat custodes publicos Constantinopoli exulceranti umore "Jenix", ex capsico expresso, ad reclamentes repellendos usos esse. - 16/06/2013 19h13
in orbe
Custodes publici iussu praesidentis Turcarum ex foro Taxi et silva destruenda reclamantes vi expulere, iam diu ibi commorantes. - 15/06/2013 23h50
politica
Hassan Rohani creatus est praesidens Persarum comitiis hodie habitis, sibi maiorem partem consensuum comparans. - 15/06/2013 21h46
in orbe
In Pacistania meridionali dirupta est autoraeda, qua discipulae universitatis vehebantur; quarum undecim perierunt. - 15/06/2013 14h49
politica
In Irania renovatur comitiis hodiernis praesidens rei publicae post Mahmeti Ahmedinejad offivěcium perfectm. - 14/06/2013 23h31
homines
Bonaeropoli Carolus Menem, olim praesidens Argentinorum nunc senator, VII annorum custodiae condemnatus est: qui putatur arma illicite vendidisse armatis Croatis et Aequatorianis. - 13/06/2013 21h58
politica
Romae, Brixiae, Catinae et in ceteris urbibus oppidisque Italiae ubi suffragia allata sunt praevaluit factio media et sinistra. - 11/06/2013 00h03
in orbe
Apud Cabuliae aeriportum heri acriter et cruente dimicaverunt Talibani et copiae regulares. - 10/06/2013 07h19
homines
Nelson Mandela, qui in Africa Australi summum magistratum gessit, in nosocomio iacet pulmonibus laborans. - 09/06/2013 00h00
in orbe
Exercitus Syriacus occupat quadrivium in Golanis collibus, brevi tempore a rebellibus captum - 06/06/2013 23h19
in orbe
Lutetiae iuvenis sinistrae partis favens a grege dextrae partis percussus mortuus est. - 06/06/2013 07h59
in orbe
Post diuturnam obsessionem Cusair, oppidum Syriacum apud Libani fines, magna cum aedium dirutione et cruoris effusione expugnatum est. - 06/06/2013 00h48
in orbe
Praga urbs partim flumine Moldava demergitur, dum imbres copiosi mediam Europam opprimunt. - 04/06/2013 08h18
socialia
In Sinis septentrionalibus igni perierunt CXIX homines, qui in officina ubi gallinae resecabantur e portis clausis effugere nequissent. - 03/06/2013 20h07
in orbe
In media Constantinopoli magnae perturbationes factae sunt, quod multitudo reclamantium non vult hortum publicum destrui ad emporium aedificandum. - 01/06/2013 17h39
homines
Mediolani mortua est Francisca Rame, praeclara histrio et acris patrona iurium mulierum, uxor Nobeliano praemio ornati Darii Fo. - 30/05/2013 17h21
socialia
Monspessulani, in oppido Galliae meridionalis, primum duo viri Gallici nuptiis coniuncti sunt, post legem qua homosexualium nuptiae admittuntur. - 30/05/2013 00h01
in orbe
In Calabria horribile scelus factum est: adolescens amicam aequaevam zelo commotus cultro vulneravit, deinde benzino conspersam succendit. - 27/05/2013 00h17
homines
Genuae sollemnia funera Andreae Gallo facta sunt cum pauperum lacrimis, pacis vexillis et manibus clausis. - 25/05/2013 22h25
in orbe
Post magnam diruptionem, quae Cabuliae evenit, milites Afgani cum Talibanis totum diem dimicaverunt. - 24/05/2013 23h48
breves
In Canadia homosexuales qui sanguinem aegrotis tranferre velint, caelibatum servisse debent. - 23/05/2013 00h19
homines
Genuae mortuus est Andreas Gallo, presbyterus catholicus pauperibus et derelictis per totam vitam deditus. - 22/05/2013 20h50
in orbe
XXIV homines Oclahomae ob turbinem interierunt, inter quos aliquot pueri et puellae in diruta schola. - 21/05/2013 14h22
in orbe
Turbo vehemens suburbia Oclahomae urbis verberat, tota res publica illa procellis biduum perturbatur. - 20/05/2013 23h55
politica
“Angela Merkel Hitler similis est, Hungariam ita tractat, ut ille cum nos invasit." Haec verba inopinate dixit minister primarius Hungarus Victor Orban. - 19/05/2013 23h33
homines
Georgius Raphael Videla, dux Argentinus qui patriam suam fera dictatura oppressit, LXXXVIII annum vitae suae agens, in vinculis mortuus est. - 17/05/2013 23h39
in orbe
In Cambodia aedificium ubi crepidae fabricabantur de improviso corruit et nonnulli operarii mortem sub lateribus obierunt. - 16/05/2013 22h52
in orbe
In Bangladesia multae officinae textiles post immanem Accrae caedem operariis reclamantibus clauduntur. - 14/05/2013 08h05
in orbe
Novae Aurelianae, in urbe USAe meridionali, dum celebratur dies festus matribus dicatus ignoti in turbam sclopetaverunt, XII sauciantes. - 12/05/2013 23h15
in orbe
Mediolani vir Ghanensis, causa motus ignota, homines qui forte viam percurrebant dolābra percussit, unum occidens, duos gravibus vulneribus afficiens. - 11/05/2013 23h19
in orbe
Dum mille victimae in officina Daccae diruta computantur, mulier quae sub ruinis sepulta XVII dies manserat servata est. - 10/05/2013 23h04
in orbe
In Ohio vir, qui tres puellas per decem anno captivas detenuit, eas violans ipsarumque natos interficiens, capitis condemnari poterit. - 09/05/2013 23h57
homines
In provocatione Silvii Berlusconi condemnatio ob fraudem vectigalem confirmata est. - 08/05/2013 23h57
in orbe
In portu Genuae magna navis mercatoria in crepidinem incidit et turrim excubialem omnino destruit. - 08/05/2013 07h58
in orbe
In Ohio tres iuvenes, quae adolescentes ante decem anno raptae erant, liberatae sunt. - 08/05/2013 07h52
homines
Julius Andreotti, celeber vir politicus Italicus, linguae Latinae cultor, XCIV annos natus mortuus est. - 07/05/2013 00h16
homines
Nigellus Evans, praesidens vicarius senatus Britannici, accusatus quod duos iuvenes sexualiter aggressus esset, in vincula coniectus est. - 04/05/2013 23h34
in orbe
In parvo vico Apulo pharmacopola, ob causam ignotam, uxorem et duos liberos adolescentes occidit, deinde se in piscinam deiecit ibique demersus obiit. - 04/05/2013 17h31
cinemata
Ante diem V Nonas Maias anni MCMXIII (3/5/1913) Mumbaiae pellicula filmica 'Raja Harishchandra' demonstrata est: inde exortum est Bollywood, locus maximus cinematographiae Indicae, etiam nunc floridus. - 03/05/2013 21h53
homines
Cadaveris examina thanatologica confirmant poetam Paulum Neruda morbo cancri, anno 1973, mortuum esse, nullo humano agente. - 02/05/2013 23h54
in orbe
In Kentukia puer quinquennis sclopetando sororem biennem sclopeto pueris destinato occidit, quo ante annum a parentibus donatus erat. - 02/05/2013 08h35
in orbe
Infans quadriennis impudice violata in regione Indiae Madia Prades cordis ictu mortua est. - 30/04/2013 20h36
politica
Fide ab ambabus aulis senatoriis obtenta, minister primarius Italicus Henricus Letta confestim maximas auctoritates Europae visitat, incipiens ab Angela Merkel. - 30/04/2013 20h30
politica
Senatus inferior Italicus regimen ab Henrico Letta ductum lato cum consensu probavit. - 29/04/2013 23h25
politica
Duae factiones conservativae comitiis in Islandia habitis victrices evaserunt; quae opponuntur coniunctioni cum Unione Europaea, cui rectores socialistici huc usque faverant. - 28/04/2013 20h35
in orbe
Dum regimen Italicum coram rei publicae praesidente iurat, vir opera orbatus in regiminis aedibus contra duos milites sclopetavit, alterum graviter alterum leviter saucians. - 28/04/2013 20h28
in orbe
Duo domini officinae textilis quae in Bangladesiae capite corruit in vincula coniecti sunt, qui operarios ne ex periculoso aedificio effugerent vetuerint. - 27/04/2013 16h47
politica
Incolae Islandiae suffragia ferunt, ut senatum renovent. Putantur duae factiones conservativae, Unioni Europaeae hostiles, victurae esse, postquam regimen socialisticum insulam ex discrimine gravi salvam fecit. - 27/04/2013 16h42
in orbe
Dakae, in capite Bangladesiae, corruit aedificium procerum: LXXXVII homines saltem occisi, centeni sauciati sunt. - 25/04/2013 00h24
socialia
Senatus Gallicus probat legem qua hominum eiusdem generis nuptiae et liberorum adoptio liceant, post diuturnam et acrem populi dilacerationem. - 23/04/2013 20h14
politica
Georgius Napolitano, iterum rei publicae Italicae praesidens creatus, prima oratione coram legatis senatoribusque habens, vehementer omnes factiones acriter increpat et hortatur, ut regimen celeriter constituant. - 22/04/2013 20h35
in orbe
Duo fratres Ceceni, caedis Bostoniensis accusati, putantur alias caedes praeparaturi esse.
Exercitus Syriacus oppidum Jdiadet al-Fadl apud Damascum obsessum comprehendit, centum circiter hominibus occisis. - 21/04/2013 22h32
politica
Georgius Napolitano invitus iterum praesidens rei publicae Italicae creatus est, postquam duo candidati a Factione Democratica propositi fefellerunt; quae summo in discrimine est. - 20/04/2013 21h26
in orbe
Bostoniae catervae astynomorum requirunt unum ex duobus fratribus Cecenis, qui caedis die marathonis factae rei putantur; alter sclopetationibus occisus est. - 19/04/2013 22h51
politica
Post duplicem cladem acceptam, Petrus Aloisius Bersani, secretarius Partis Democraticae Italicae, a munere discedit; quae factio, post centum legatorum proditionem, magnopere perturbatur. - 19/04/2013 22h45
politica
Et Franciscus Marini et Romanus Prodi, candidati ad munus praesidentis rei publicae Italicae ambo a factione democratica propositi, multo minorem numerum suffragiorum quam exspectatum adepti sunt. - 19/04/2013 20h28
homines
In cathedrali templo Sancto Paulo dicato MM hospitibus praesentibus sollemnia funera habita sunt Margaritae Thatcher, quae ut ministra primaria historiam Regni Coniuncti funditus mutavit. - 18/04/2013 00h09
in orbe
In Perside vehemens terrae motus factus est, C saltem incolas occidens. Tremor usque ad Novam Delliam et in Paeninsulam Arabicam pervenit. - 17/04/2013 13h46
politica
Vix factus est Venetiolae praesidens Nicolaus Maduro, vita defuncti praesidentis vicarius; quem adversarius Henricus Capriles de ambitu accusat, postulans ut scidulae iterum computentur, . - 16/04/2013 07h26
in orbe
Dum Bostoniensis marathon perficitur, duo pyrobola displosa sunt: duo homines occisi sunt, plures sauciati, America tota perterrita. - 16/04/2013 00h01
homines
Silebunt campanae Magni Montis (Big Ben), turris Londiniensis, cum funera sollemnia Margaretae Thatcher celebrabuntur; cuius adversarii collaetati sunt clamantes strigam mortuam esse. - 15/04/2013 23h59
in orbe
Mogadisu, in capite Somaliae, armati in tribunal irruerunt: displosio immanis facta est, qua XVI saltem interierunt, plures sauciati sunt. - 14/04/2013 15h57
in orbe
Quattuor diurnarii Italici in Syria rapti incolumes in patriam redierunt. - 14/04/2013 15h54
socialia
Senatu favente, adprobata est in Gallia lex quae homosexualibis tam nuptias quam liberorum adoptionem permittit. - 14/04/2013 15h52
in orbe
Petrus Kang U-il, episcopus catholicus, dixit Norcoreanos vicinis meridionalibus minari eo consilio ut opes ac pecuniam accipiant. - 10/04/2013 23h55
homines
Etiam inimici honorem tribuunt animosae mulieri, quae sibi cognomen "ferreae dominae" comparaverat.
Margarita Thatcher, quae faciem Britanniae ut ministra primaria funditus commutavit, annos LXXXVII nata cerebri ictu mortua est. - 08/04/2013 23h43
socialia
Civitate Nova, in oppido Picenorum, duo coniuges mortem sibi consciverunt propter miseriam; mulieris frater paulo post semet in mare demergens vitam amisit. - 06/04/2013 10h16
in orbe
Quattuor diurnarii Italici, quorum unus ex societate televisifica publica RAI, in Syria a rebellibus comprehensi sunt. - 06/04/2013 10h07
in orbe
Corea septentrionalis nuntiavit se bello nucleari paratam esse et missilia ad oram admovit, unde Americae litora conici possit. - 05/04/2013 00h14
in orbe
Farae, in urbe Afganistaniae occidentalis, tromocratae in tribunal impetum fecerunt, L saltem homines occidentes, C vulnerantes.
Insoliti roboris imbres Argentinam vastant, vel Bonaeropolin et Argyropolin, XL homines vitam amisere. - 03/04/2013 20h39
homines
Mediolani catervae accurrerunt, ut Vincentii Iannacci funera facerent, praeclari auctoris et cantoris Italici: qui in versibus suis solitudinem et frustrationem urbis suae rapide increscentis descripsit. - 02/04/2013 23h39
in orbe
In Colorado accusator publicus postulat, ut iuvenis XII hominum interfector capitis damnetur: qui aestate praeterita pluries sclopetavit ante aulam cinematographicam, ubi primum pellicula "Batman" spectabatur. - 02/04/2013 23h35
oeconomia
In civitatibus, quae eurone utuntur, octavus quisque civis, id est summatim XIX centena milia, opera cotidiana caret. - 02/04/2013 14h18
in orbe
Lutetiae XV centena hominum de turri Eiffel descendere coacti sunt ab auctoritatibus, postquam ignotus telephonice pyroboli displosionem promiserat. - 31/03/2013 00h25
religio
Rete televisificum Italicum RAI primum accurate ostendit sacram sindonem, ubi Christi corpus involutum esse traditur. - 30/03/2013 20h12
homines
Vincentius Jannacci, praeclarus cantor Mediolanensis, LXXVII annos natus ob tumorem maleficum mortuus est. - 30/03/2013 00h11
in orbe
Dar es Salaam, in capite Tanzaniae, emporium collapsum est nonnullos occidens, plures sub ruina detinens. - 29/03/2013 23h50
insolita
Duae moles ex glacie, supra quas CCXX homines et pueri ioci gratia erant, ab ora Lithuaniae discedere inopinate coeperunt: omnes ab adiutoribus servati sunt. - 29/03/2013 23h48
in orbe
Praesidens Africae Australis Jacobus Zuma concives suos hortatur, ne de salute Nelsonis Mandela spem amittant, gravi pulmonum morbo affecti. - 28/03/2013 23h30
religio
Missa in Cena Domini pontifex Franciscus in Romae carcere iuvenum captivarum pedes lavit. - 28/03/2013 23h24
socialia
Multitudo reclamantium Lutetiae in foris viisque reiciunt legem, qua coniugium homosexuale conceditur. - 24/03/2013 23h26
religio
Castri Gandulphi, haud longe ab Roma, pontifex Franciscus cum praecessore suo Benedicto XVI convenit, quod numquam evenerat: ambo in scabello eodem genibus nitentes oraverunt. - 23/03/2013 16h17
athletica
Romae mortem obiit post diuturnam aegritudinem LXI annos natus Petrus Mennea, praeclarus cursor Italicus qui per XVII annos primatum cursus CC metrorum servavit. - 21/03/2013 22h47
socialia
In Kenya praeconium per televisificos apparatus divulgatum, quo cummis praeservativi usus promovebatur, auctoritatibus et Christianis et Muslimis reclamantibus deletum est. - 21/03/2013 00h26
politica
Cypri senatus ablationem ab depositis nummariis privatorum reiecit, quam postulaverant Unio Europaea et Argentaria Mundana. - 19/03/2013 22h46
in orbe
Compluribus pyrobolis displosis Kano, in urbe Nigeriae septemtrionalis, XX saltem homines occisi sunt. - 18/03/2013 23h37
oeconomia
Cypri Praesidens Nicos Anastasiades coram senatu vectigalia summatim C centenorurm milium die Solis adprobanda proponit, ne patria decoquat; tumultus in insula heri facti sunt. - 17/03/2013 08h33
politica
Laura Boldrini, quae diu fuit ONUs legata ad profugos tuendos, et Petrus Grasso, celeber iudex, praesidentes aularum senatoriarum Italicarum electi sunt, faventibus partibus sinistris. - 16/03/2013 19h35
in orbe
In regione mediae Indiae Madya Prades in coniuges Helvetici impetum fecerunt octo baculis armati: qui viro firme obtento mulierem foede violaverunt. - 16/03/2013 16h00
scientiae
Physici Genevae confirmavere bosonem Higgsianum eadem ratione esse, atque a studioso Higgs ante multos annos provisum erat. - 14/03/2013 23h09
in orbe
Bagdati, in insula Allavi, XXV victimae saltem computantur ob complura pyrobola; vel sedes legatorum exterorum affectae sunt. - 14/03/2013 23h02
politica
Rei Publicae Sinensis praesidens factus est Xi Jinping, fere LX annos natus. - 14/03/2013 08h46
religio
Pontifex Argentinus quinto suffragio eligitur. - 13/03/2013 20h48
religio
Cardinales in Vaticano coniuncti nigra caligine nuntiaverunt prima suffragia ad pontificem eligendum vana fuisse. - 12/03/2013 23h20
in orbe
Europa septentrionalis nivibus tam copiosis affligitur, ut magna pars traminum ferriviariorum et aeronavium immoti manserint. - 12/03/2013 23h16
politica
Senatus Pannoniae legem probavit, qua tribunal legi supremae tuendae addictus senatui submittirur, libertas loquendi et scribendi comprimitur, iuvenes laureati prohibentur, ne ex patria migrentur. - 11/03/2013 22h44
religio
Die Martis incipit conclave, unde novus pontifex ecclesiae Romanae catholicae creabitur. - 11/03/2013 22h29
religio
Lahore, in urbe Pacistaniae, muslimi igni et vi aedificia catholicorum vastaverunt propter viri cuiusdam, nunc in carcere captivi, iniurias contra Mohamedem prophetam - 10/03/2013 23h44
in orbe
Haud longe a Stuccardia, urbe Germanica, mulier Turcica cum septem liberis suis interiit in domo ligno calefacta quae forte noctu exarserat. - 10/03/2013 23h36
religio
A die XII huius mensis incipiet conclave, unde successor Benedicti XVI creabitur. - 08/03/2013 23h46
insolita
Praeclara et pretiosa caupona Hafniae LX convivarum extis valde nocuit; adhuc ignoratur propter quod ferculum id acciderit. - 08/03/2013 23h45
homines
Corpus Hugonis Chavez ita condietur, ut Venetiolani continenter praesidentis cadaver servari et ostendi possit. - 07/03/2013 23h08
in orbe
Dum Venetiolae populus praesidentem nuper mortuum celebrat, multi suspicantur Chavez veneno interfectum esse. - 07/03/2013 00h33

Poeseos Latinae certamen II proponitur: http://ephemeris.alcuinus.net/vitalatina.php - 06/03/2013 00h01
homines
Hugo Chavez, Venetiolanorum praesidens, ob tumorem maleficum post diuturnum laborem mortuus est. Vice Praeses Venetiolanus Nicolaus Maduro hodie (die Martis) affirmavit Praesidem Hugonem Chávez ab inimicis septentrioamericanis laesum esse etsi non dixit qua via sed tacite morbum Cancri significavit; sperat olim rem investigatum iri. - 06/03/2013 00h00
politica
In Kenya suffragia tulerunt incolae ut praesidens deligatur; scidularum computatio coepit. - 04/03/2013 23h21
in orbe
In Novae Delliae schola puella septennis vi nefanda a viris violata est; multitudo irata ante aedificium congregatur, dum iudices de scelere investigant. - 01/03/2013 23h20
religio
"Gratias vobis ago amore et subsidio vestro. Utinam semper gaudium experiamini, Christum in media vita vestra ponendi!" His verbis per pipiatrum missis Benedictus XVI munus suum dereliquit. - 28/02/2013 23h35
religio
Benedictus XVI, ultimo die muneris sui, vitae orationis paratus, oboedientiam pollicetur successori. - 28/02/2013 14h13
in orbe
Thebis, in praeclara urbe Aegyptia, sphaera aerostatica flammis incensa de altitudine CCC metrorum decidit: XIX periegetae perierunt. - 26/02/2013 21h39
politica
Exitus comitiorum in concilio inferiore partem maiorem sellarum parti sinistrae tribuit, in senatu nulli, Italiae res diutius dubias reddens. - 25/02/2013 18h15
politica
Nikos Anastasiades conservativus creatus est praesidens Cypri, profligato adversario laevae partis Stauros Mala. - 25/02/2013 08h37
religio
"Dominus me vocat ut montem ascendam, ut me orationi et meditationi magis tradam." His verbis Benedictus XVI populum in foro Sancti Petri congregatum postremo salutavit. - 24/02/2013 16h12
homines
Ante LXX annos tres iuvenes Germanici, qui chartulis in universitate Monacensi divulgatis ad rebellionem contra Nazistarum dominationem sub nomine "Candida rosa" incitaverant, securi "guillotine" appellata occisi sunt. - 22/02/2013 22h32
in orbe
In urbe Lusitana Oporto indagatores maximam vim pecuniae falsae ex falsariis cepit, id est circiter MM nummos chartaceos CC euronum pretio. - 21/02/2013 07h49
religio
Multi catholici Americani petunt, ne cardinalis Rogerus Mahony, olim episcopus Angelopolitanus ab hodierno episcopo omni officio amotus quod in presbyteros corruptos leviter egerit, conclavi quo successor Benedicti XVI eligatur intersit. - 18/02/2013 23h16
in orbe
Septem operarii extranei in Nigeria septemtrionali ab armatis viris capti sunt; auctoritates suspicantur raptores Muslimos extremos esse. - 18/02/2013 00h14
cinemata
In certamine cinematographico Berolini habito pelliculae Dacoromanae "De puerili statu" Ursus Aureus tributus est, auctoris Calin Peter Netzer: narrat fabula de matre filium suum a carcere utcumque arcenti. - 17/02/2013 00h02
in orbe
In Ucraina incensa est aeronavis, dum in aeroportum urbis Donetsk descendit: quinque pereunt, plerique ex flagranti ductoris cella effugiunt. - 14/02/2013 00h37
religio
Ante diem Paschae catholicis Romanis novus Romae episcopus donabitur (si Deus voluerit). - 11/02/2013 22h20
in orbe
Catervae Sinensium celebrant principium Anni Serpentis. - 09/02/2013 23h19
in orbe
Belaid, dux factionis democraticae Tunisiae, apud domum suam ab ignotis occisus est: ideo perturbatur tota Tunisia. - 06/02/2013 20h31
socialia
Minister primarius Hiberniae Enda Kenny veniam petivit propter iniurias, quibus adolescentes et mulieres in fulloniis "Magdalenis" totum fere saeculum vicesimum affectae sunt. - 05/02/2013 19h22
historia
Leicestriae, in oppido Anglico, compertae sunt reliquiae regis Ricardi tertii in campo autoraedario: hoc dicunt rerum antiquarum studiosi. - 04/02/2013 23h33
in orbe
Kirkuk, in urbe Iraquiae septentrionalis, XXX saltem homines occisi sunt pyrobolo ante astynomorum sedem in autoraeda disploso. - 03/02/2013 22h07
in orbe
In insula Japonica Hokkaido vehemens terrae motus factus est: nulla damna tam incolis quam aedificiia allata sunt. - 02/02/2013 22h28
in orbe
Sclopetatur in schola Atlantae in USA, quam ob rem discipula vulnerata est, magistra a pueris territis conculcata. Discipulus reus facinoris putatur. - 31/01/2013 23h00
in orbe
Exercitus Syriacus nuntiat aeronaves Israelianas fines suos missilibus coniecisse,negat autem armorum referta vehicula Libanum petentia destructa esse. - 31/01/2013 00h21
in orbe
Navis periegetica "Nili Rex" haud longe ab aggere Assuan scopulo attacto demersa est; CXII homines ea transvecti salvi esse referuntur. - 30/01/2013 00h37
in orbe
Copiae Gallicae ab imperatoribus Gallicis ductae Chadiae caput Timbuctu intraverunt. - 29/01/2013 00h12
in orbe
XXVII homines gravi tumultu occisi sunt apud Cairi carcerem, ubi habentur XXI viri nuper capite damnati ob caedem anni praeteriti in stadio pedifollico. - 27/01/2013 00h50
in orbe
Ministra rerum exterarum Hilaria Clinton coram consilio Americano commemorat mortem legati in Libya, culpas suas confitens. - 24/01/2013 00h06
politica
Minister primarius Britannorum David Cameron se ait favere provocationi, qua ipsi deligant utrum in Unione Europae permanendum sit an non. - 23/01/2013 12h18
socialia
Minister Aerarii Iaponus (Shinso Abe) senibus postulavit ne diu vitam servarent, nam ab Aerario pecunia causa aegrotantium datur multa; quam opinionem multi Iaponi respuerunt. - 22/01/2013 23h06
in orbe
Nuntius regiminis Algerianus saltem dicit XXIII obsides, XXXII tromacratas in statione methanifera expugnata interiisse; sed ignoratur quot re vera occisi sint. - 20/01/2013 22h30
in orbe
Pleraeque Europae regiones copiosis nivibus teguntur. - 19/01/2013 00h10
in orbe
Exercitus Algerianus officinam gasariam ab armatis Islamicis captam aggressi occupaverunt: alii obsides effugerunt, alii perierunt. - 17/01/2013 23h59
in orbe
Exercitus Algerianus armatos Islamicos, qui stationem methaniferam vi occupaverunt, obsidere coeperunt. - 17/01/2013 08h32
in orbe
Beroeae (Aleppo) magna caedes discipulorum universitatis facta est, dum examina habentur. - 15/01/2013 23h01
in orbe
Armati Islamici urbem Diabaly obsessam capiunt et ab regiminis legitimi dicione auferunt, dum copiae Francogallicae in Malia progrediuntur. - 14/01/2013 22h22
religio
CCC centena milia peregrinorum exspectantur in Allahabad, urbe Indiae, ubi ad celebrationem Kumbh Mela appellatam Hinduistae congregantur et in aquas fluminis Sangam immerguntur. - 14/01/2013 22h19
in orbe
In Punjab, regione Indorum, mulier XXIX annos nata ab autoraedae ductore quo iter faciebat vi rapta et violata est. - 13/01/2013 22h26
homines
Lugent Italici Mariam Angelam Melato, quae anno LXXI aetatis suae ob gravem morbum nuper mortem obiit, mirabilis histrionam et in theatro et in cinematis. - 12/01/2013 23h41
in orbe
Minister rei bellicae Gallorum nuntiat militem Francogallicum in Somaliam occisum esse, dum obsidis liberatio temptatur. - 12/01/2013 16h45
in orbe
Francogallia milites parat, qui in Malia septentrionali contra Islamicos armatos pugnabunt. - 12/01/2013 00h23
in orbe
Fere centum victimae hodie in Pacistania computantur in duobus ictibus tromocraticis. - 10/01/2013 23h23
in orbe
In domo Lutetiensi noctu comperta sunt cadavera trium feminarum, capite sclopetationibus percusso: quae feruntur factionis communisticae Kurdistaniae (PKK) in Gallia praefuisse. - 10/01/2013 12h59
in orbe
Decies centena milia Syriae incolarum fame et necessitate mox laboraturos esse ait agentura commeatui et agriculturae tuendis dedita Ordinis Nationum Unitarum. - 08/01/2013 23h47
in orbe
Syriae praesidens Bashar al-Assad per rete televisificum populum allocutus, oppositores accusat quod puparum instar patriam prodiderint. - 06/01/2013 22h57
in orbe
Aeronavicula ab insulis Los Roques ad Venetiolae oram advolans arcane evanuit; ibidem ante quinque annos eadem ratione aeronavis XVIII homines vehens iam exoleverat. - 05/01/2013 23h47
homines
Venetiolarum praesidentis Hugonis Chavez tumore aegrotantis valetudo ingravescit propter pulmones infectos post resectionem chirurgicam. - 04/01/2013 09h11
in orbe
Novae Delhiae quinque viri puellae tum violatae cum interfectae accusati cum adolescente comprehensi sunt: quo excepto capitis damnari possint.
In Helvetiae Gallophonae vico montano vir ebrius ex improviso sclopetare coepit, tres insontes occidens, duos vulnerans. - 03/01/2013 08h52
in orbe
LX victimae numerantur Abidjan, in maxima urbe Litoris Eburnei, propter nimiam turbam ad anni initium celebrandum congregatam. - 01/01/2013 20h19

Retro ad:

Novissima editio
Summum paginae