Annus
2 0 1 3


ANTE CONCLAVE CARDINALES CONVENISSE

Ante conclave cardinales convenisse

Hoc mane in Synodi Aula Nova Cardinalis Angelus Sodano Collegii Cardinalium decanus primam Congregationem communem aperuit ad colloquendum et disputandum ante Conclave de Papa eligendo. Adfuerunt primo conventui CXLII Patres Purpurati ex CCVII, quorum CIII electores numerati sunt. Defuerunt XII, posteris diebus perventuri. Constat omnes quibus nihil legitimo impedimento sit se interesse cogi, quamvis iis qui aetate LXXX annos superarint abesse liceat. Intra diem VI mensis Martii universos Romae fore. Ex primis actis de silentio iuravisse affirmantes : “Promitto, me obligo, ius iurandum do”; deinde manu imposita Evangeliis : “Sic Deus me adiuvet et haec Sancta Evangelia quae meapte manu adtingo”. Conventus non intermittentur donec omnes convocati adfuerint: tunc Collegium diem dicet Conclavis incipiendi. Cardinales semel vel bis in die convenient. Quomodo fiant Congregationes et Conclave constitutio apostolica “Universi Dominici gregis” edicta a Iohanni Paulo II anno MCMXCVI moderatur, in qua et Cardinalium vestimentum accurate definitum est. Tempore sedis vacantis talaris vestis nigra torulo ornata praescripta est cum ligamento rubro et pilleolo eiusdem coloris.

Sunt qui putent Conclave inceptum iri hebdomade postera; die Paschae novum Pontificem fortasse iam habebimus. Nihil provideri potest de Papae electione; tamen quidam Cardinalium grex petit ut Novus Pontifex polliceatur non ad tempus, sed perpetua vita se expleturum munus.

Scripsit Lydia Ariminensis



Retro ad:

Novissima editio
Summum paginae