Annus
2 0 1 3


Summi iudices in Mahumetum Ahmadinedjad inquirunt

Summi iudices in Mahumetum Ahmadinedjad inquirunt

Consilium custodum Iranianum a summis iudicibus postulavit, ut in Mahumetum Ahmadinedjad inquirerent, quod leges rei publicae offendisset. nam ii, qui in re publica versantur, lege vetantur candidatis favere. Sed Ahmadinedjad Esfandiarum Mashei, familiarem suum, in praesidiatu petendo aperte adiuvit, cum pro eo locutus oravit, ut praeses crearetur: “Mashei est Ahmadinedjad”, inquit, “et Ahmadinedjad est Mashei.” Dum haec, dicit ridens digitis notam victoriae formavit."

Quam rem Abbas Kadkhodaei, qui pro consilio custodum est locutus, vehementer vituperavit: tantum facinus non impunitum fore. Praesidi, si condemnatus erit, aut LXXIV verbera aut custodia VI mensium imminebunt. Haec Mercurii die in nonnullis actis diurnis legebantur.

Quibus rebus gestis nemo fere est, qui credat Mashaeium, cuius voces ac sententiae a religione Islamica abhorrere videantur, in praesidiatu petendo approbatum iri. Nam C fere legati populi a consilio custodum petiverunt, ut eius petitionem praesidiatus renuerent.

Scripsit Volfgangus Austriacus



Retro ad:

Novissima editio
Summum paginae