Annus
2 0 0 5

NICOTIANA TABACUM

Intrat in vigorem Foedus 57 nationum adversus tabacismum.

Nicotiana tabacum

(( Addictus quidam nicotinae temptabat inter spectandam pelliculam in medio theatro hispanicam incendere suam. Ceterum ignota de causa ignem facere non poterat, iterum iterumque extinctus ignis frustravit volentem ducere fummum. Adest custos et, "heus tu, desipis? Id vetitum est!" At ille discedens: "Ideo, inquit, incendi nequiverat". )) –Mera nuga-.

 

Cuius Foederis virtute fiet, ut minus minusque in annos tabacum adhiberi liceat.

Feb 26 ann. 2005 – Genava

Homines numero 1.200’000.000 ducunt fumum quem commitantur vitia letalia veluti cancer. Quapropter "Nicotiana tabacum", cuius narcotica vis facit ex adeptis addictos, ex amicis obnoxios, eo contra omnes agere visa est, ut obviam ei iam totis viribus eatur.

Prorsus inter ignobiliores usus tabaci is est, ut e succo venena in bestiolas ferantur. Eiusque reliquae virtutes adiuvant quotannis circiter 5.000.000 hominum ad moriendum maturius sive pulmonibus corruptis sive obstructis venis, aut aliis morbis quaesitis aegrotent, sicuti socillicitus OMS (Ordo pro Mundana Salute) demonstrat per doctam Brassiliensem Vera Luiza da Costa, cuius ex oratione "XXX vel amplius annos adhuc sperandum est, donec inveterata tabaci abusio minuatur in orbe". Id quod constituit summum propositum Foederis.

In principio tabaci frondes siccatae tritaeque ab indigenis, quos C. Columbus observavit, rite modesteque usurpabantur in medicinam; ad hoc intrudebantur in extremam cannulam cuius nomen erat Tobago. Postea vero intrusus capsulis et arcis Hispanicis est, dehinc ab omnibus nationibus acceptus, -cultus, distributus, venditus, comparatus... incensusque delevit milies milia animarum quae hoc pacto servabuntur, -ut ait Kathryn Mulvey. Eademque demonstrat "quamvis omnia temptaverint Philip Morris, British American Tobacco (BAT) et Japan Tobacco International, ut obsistant feriendo Foederi, non impedivisse probationem nationum".

Idcirco nuntiatum est institutum iri interdictiones et circunscriptiones gravissimas ab his civitatibus: Germanis, Gallis, Britannis Hispanisque, item ab Australianis, Sipangensibus, Indis, Pakistanis Canadiensibusque, necnon Mexicanis, Piruvianis, aliisque ad numerum XXVII nationibus per OMS coniunctis-, quae sunt in eo ut Foedus corroboratum feriant. Ceterum neque Americani neque Sini adnuerunt proposito Foederis; absunt autem ex industria, quippe qui praecipui cultores, fabricatores et consumptores eius speciei sunt. ◊

Carolus Prieto

carolusbogotensis2002@yahoo.com.mx

 

 

 


Retro ad:

Novissima editio
Summum paginae