"Nolim asini asinos sustineant..."

Imminente vetusto asinorum mercatu in urbe Godega (in Veneto posita), ad horum animalium “dignitatem” defendendam, aliquid inusitatum inceptum est: pueri, asinis vecti, hominibus (parentibus quoque) comitantibus, scholam petunt. Mane pueri, citius praeter consuetudinem cum e lecto surrexissent, locum constitutum conveniunt; illinc aselli, corbes in dorsis sustinentes (in quibus puerorum res collocantur), leni gradu pueros concitatione affectos ad scholam deducunt. Et pueri et parentes laetitia afficiuntur, alii quod vehiculo admodum insolito vecti magno cum gaudio scholam petunt, alii quod nullo labore effficiunt ut pueri lecti teporem deserant. Puerorum numerus, qui hoc animans vehiculum experiri cupiant, in dies crescit. Est qui hoc “agmen” insolitum aspiciens iocose dicat: “Nolim asini asinos sustineant!”

Re vera animal est asinus qui homines laboriosos significat; patiens et placidus quasi ludi sodalis est, quem puer sine ullo periculo manibus permulcet. Animis tranquillitatem confert, iis presertim qui anxii sint. In luco efficit ut visitator, longe ab urbis strepitibus, naturae coloribus et vocibus gaudeat. Asinae Ragusinae lac praeterea optimum alimentum compertum est matris lacti simile pro pueris praesertim qui lac vaccinum non tolerant.

Denique perutile hoc inceptum videtur pueris qui saepe, cum maiorem temporis partem domi agant cum electronicis instrumentis, rerum naturam ignorant.

Non a servis pyramides structas esse...

...docet Zahi Hawas, supremus archaeologus Aegypti. Viri qui pyramides erexerunt fuerunt - explanat ille - operarii liberi, qui post mortem sepeliebantur prope ipsas pyramides. Tales sint conclusiones investigandi sepulchrorum operariorum, qui struxisse creduntur pyramida pharaonum Cheops et Chephren ad Gizam. Quae sepulchra casu reperta sunt anno 1990. In parietibus tumulorum mortui se inscriptionibus pronuntiant esse "amici pharaonis".

Repertis notatiunculas operariorum patet iis cotidie ab agricolis suppeditabantur 21 boves ac 23 oves. Unde archaeologi ratiocinati sunt operarios fuisse circiter decem milia, multoties enim minus quam centum milia, ut adhuc putabatur secundum Herodotum.

BASIAE NON TANTUM VOLUPTATEM SEXUALEM AFFERUNT

Corpus amittere osculando?

Pinguetudine laboras ac velis nonnulla nimia chiliogrammata corpors amitti? Nihil vero facilius: satis tibi erit ter per diem tempore quinque secundarum alterius hominis (ut, exempli gratia, uxor aut maritus tuus) os osculari. Id spatio unius mensis regulariter faciens in summa amittes totam libram ponderis, sive dimidiam chiliogrammatis partem, basiare enim accelerat combustionem materiae. Talia saltem docent effectus investigationis scientificae, de quibus nuntiat situs interretialis softpedia.com.

Tempore osculandi (et statim post) etiam animus osculantium melius se habet propter endorphinum, id est hormon felicitatis, cuius tunc satis magna copia in cerebro producitur. Basiae reddant quoque corpus osculatoris robustius contra bacteria varia morbosa, nisi certe labia, quae basiat, pertinent ad aliquem morbo (e.g. grippae) iam laborantem.

Suavia putantur quoque hygiaenam dentium curare ac possint adiuvare... ructamina cohibere. Insuper veritatem confirmant proverbii, quod dicit duo capita melius semper quam unum. In summa intermedia homo spatio sui vitae osculationibus dat 20.160 minutas temporis.

DOMUS AUCTIONARIAE MOX PRAEBITURAE TEMETUM CENTUM ANNORUM

Shackletonianum vischium bene refrigeratum

Vinum effervescens sive vischium Scoticum aetate centum annorum mox gustatoribus praebiturae se esse sperantur magnae domus auctionariae Neoeboraci et Londinii. Cuius vischii possessor olim erat infortunatus peregrinator exploratoeque Antarcticae, Anglohiberus Ernest Shackleton (1874-1922, photographemate a laeva monstratus). Arcas autem vini effervescentis relinquere in Antarctica coactus est Shackleton temore expeditionis Nimrod, qua pervenit usque latitudunem meridionalem 88°23' (circa 140 chiliometris a polo australi), quo adire antea nemini hominum contigerat.

Anno 2006 arcae temeto plenae repertae sunt ab exploratoribus Antarcticae Neozelandensibus sub tugurio ligneo a Shackletonianis ante centum annum relicto. Quae arcae tamen glacie erant magna ex parte compertae at opes Neozelandensibus non aderant, ut eas abinde extraherent. Nunc decreverunt se illuc reversuros arcisque vischii plenis potituros. Ut putat Alistair Fastier, novissimae expeditonis moderator, excavatio temeti e glacie durabit a duobus diebus usque septimanam.

Facies vexat somniantes

Anno 2006 mulier quaedam Americana morbo psychico laborans delineavit, therapeuta id rogante, faciem viri, qui "visitare" eam solebat in somniis. Casu a therapeuta inventum esse etiam alios phreneticos eandem faciem somniando vidisse. Delineatione aliis medicis tradita reppertum esse quoque multos horum patientes simili facie noctu affligi.Usque hodie nonnulla iam milia hominum morbis psychicis labonantium asseverant se in somnio hanc faciem conspexisse. Fortasse et tu, lector care, nam fautores vivae Latinitatis multi mente captos esse putant:-)

Subnotationes fient
ante finem Septembris.