Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Saturni die 30 mensis Maii 2015
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

RELIGIO
De Vite et Palmitibus

De Vite et Palmitibus

Sub vitis imagine Iesus praebet nutricium sucum palmitibus, qui sumus christiani. Palmitis autem est fructus gignere; si fructus non gignit, secatur et datur igni. Qui vero fructuosus est, purgatur ut copiosius gignat. Palmes qui non est viti coniunctus minime potest fructificare (cf Io 15, 1-8).Ex hoc textu comperimus quae esse debent facta et vitae rationes fidelium Christi sectatorum. Primo debent permanere in Christi verbis atque in Christo ipso. Clavis ut hoc evangelium intellegamus est verbum permanere, quod pluries in textu originali apparet: “Manete in me, et ego in vobis. Sicut palmes non potest ferre fructum a semetipso, nisi manserit in vite, sic nec vos, nisi in me manseritis”.

Sine suco palmites arescunt; sine Iesu et christiani arescunt; unice in Iesu vitam et virtutem intimam invenimus. Sic possumus esse potentes ut mundum durum et saepe malum in meliorem statum mutemus.

Vitis dominus est Christi Pater; Is “omnem, qui fert fructum, purgat eum, ut fructum plus afferat”.Omnes arbores fructiferi ab agricolis purgantur ut meliores grandioresque fructus gerant.

Itaque omnes sancti pericula et probationes passi sunt, quae quidem cum dolore sed etiam cum gratulatione acceperunt; intellegebant enim eo modo ad gloriam Dei et animarum proventum potiores fructus edere posse; item nos omnes purgatione egemus in conversionis modum. Agitur de purgationibus, quae in corde nostro operari debent ne inducamur in servitutem vanitatum mundanarum.Cum verbum Christi nos audientes attingit pauperiem spiritalem nostram comperimus; cum ab ista pauperie per verbum Christi liberare conamur, dolore afficimur; at est dolor purgativus et beneficus, ex quo palmes frugifer esse potest et copiam fructuum ad vitam et amorem et gaudium gignere. Eucharistia, quam christiani celebramus, est sacramentum quod ad coniunctionem cum Christo nos ducit; est quidem unio cum Christo resurrecto.

Compendium excerptum ex Patris Iosephi I. Del Col SDB homilia Hispane exarata atque die dominico IV mensis Aprilis habita.

Latine reddidit Paulus Kangiser

Scripsit Iosephus I. Del Col/Paulus Kangiser - 09/05/2015





BREVES Praeses olim (2004-13) Georgiae, Micheil Saakashwili, nominatus est gubernator regionis Portūs Isrianorum (Odessae) in Ucraina. Simul donatus est Saakashvili, qui a mense Februario adiuvat praesidem Ucrainae Petrum Poroshenko, iure civitatis Ucrainensis.
Leonid Tibilov, qui, militibus Russis nitens, sibi nomen praesidis Ossetiae Meridionalis imposuit, declarivit sui terram velle adiungi Ossetiae Septentrionalis, quae pars est autonoma Russicae Foederationis.
Turici Helvetorum apprehensi sunt 14 magistratus Internationalis Foederationis Pedifolii (FIFA), accusati actuum corruptelae in terris imprimis Americae Meridionalis et Mediae patratorum. Simul biocolytae vestigia criminis inquisiverunt in grapheo FIFA Mamiae.
Russia non vult porro ex Francogallia naves escensionarias generis Mistral emere – nuntiavit collegium militare et industriale regiminis Moscoviensis. Pro navibus, quas iis Galli praebere nolunt propter aggresionem Russicam contra Ucrainam, Russi poscunt nunc compensationem nummariam.

Minister olim (2006-09) primarius Israeliae carcere octo mensium damnatus est ob corruptelam. In alia lite contra eum acta fieri potest, ut carcere sex annorum propter corruptelam puniatur.
Novus praeses Poloniae fiet actuosus factionis popularium (PiS) Andreas (Andrzej) Duda, qui hodiernum praesidem Bronislavum Komorowski (factionis liberalium) superavit proportione suffragiorum 53:47.


SCIENTIAE
OECONOMIA
RELIGIO
SCIENTIAE
OPINIONES

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: