PERIEGETICA
Sinus Populoniensis et parvi eius Thesauri
 Sinus Populoniensis et parvi eius Thesauri
In
media Tuscia, sicut acumen contra mare luctans, Plumbinum
oppidulum (e plumbo quod in multis officinis furnacibusque
liquescit appellatum) exstat. Illuc nuper thesauri proximi vici
Populoniae collecti sunt. Quisnam in Etruria oblivisci Populoniae
ferventes officinas et eius celeberrima sepulcreta possit? et
artes unde Tusci potentiam armaque ediderunt? Rutilius sic
Populoniam definivit:
"Proxima
securum reserat Populonia litus, qua naturalem ducit in arva
sinum…"
et C. Plinius Secundus
in III libro Naturalis Historiae
"primum
Etruriae oppidum Luna, portu nobile, colonia Luca a mari
recedens propiorque Pisae inter amnes Auserem et Arnum, ortae
a Pelopidis sive a Teutanis, Graeca gente. vada
Volaterrana, fluvius Caecina, Populonium, Etruscorum quondam hoc
tantum in litore"
Apud Litus Populoniense, ad oram Rimiglianum
appellatam, sua sponte, trium milium fere nummorum concretio,
quasi unum saxum argenteum e mare elaboratum, pervenit.
Instrumento laserico praediti, speculatores historiaeque antiquae
studiosi ex Universitate Florentina saxum in minimam partem
partiti sunt et in parva piscina nos omnes admirari thesaurum
siverunt.
Sed Plumbini mirabilia hic non
desinunt!! Quasi reliquiam naufragii piscatorum eiusdem regionis
retia Amphoram postea Baratti cognominatam collegerunt. Amphora
supra dicta centum trigintaque quattuor imagines venuste argento
perfectas, religioni Cybeleianae cohaerentes, patefacit. Exemplum
cultuum gentium qui idola colebant, post Euangelicam quoque
praedicationem manet.
Expectari diutius non oportet quin
Plumbinum visitetis!!!
Scripsit Lucia Niccolini
|
