Disputatio ex scripto Dominici Caveosani exorta

Cum vestros nuntios legam, maxime placeret aliquod commentarium addere sub eis. Praecipue cum hodie legi illum a Dominico Caveosano scripto, 14 die februarii huius anni: "Sine opere dignitas abest, mortem mihi conscisco". Dominus Caveosanus ludibrio nos meridionales habere videtur quasi nunc, post minimum laborem, querimur nostra hodierna sorte, secundum illam inconstantiam ab Horatio notatam. Melius quam iterare Weberianam sententiam (dignam consideratione si sociologice, vel historice intellectam; sed ridiculosam si tergiversatam in mores meridionales vituperandos, maxime a polono et catholico), deberet carus Caveosanus pergere inquirere causas e faeneratoribus et trapezitis qui Europam regunt. Superquam quod Graeci pluribus horis laborant quam Germani. Valete quam optime. - Daniel

Mihi non videtur neglexisse oeconomicae societatis culpas, Europae septentrionalis nationum culpas; addidi meridionalium nationum (corruptione laborantium, quod Transparency International adfirmat: Danimarca, Finlandia ceteraeque septentionales nationes in altis locis collocantur, Italia 42,Graecia 36,Lusitania 33, Hispania 30) munus esse (per se, non per alias) corruptioni obstare; facile intellectu hoc modo plurimas pecunias inveni posse, quae ad progressum nostras nationes ducant. Conatus sum causas huius rei explicare, causas historicas, in religione praesertim positas (opinione mea), non anthropologicas: minime vituperandis meridionalibus nationibus operam dedi, propterea quod in Lucania Italia,meridionali Italiae regione, vivo. Qui possum me ipsum meamque regionem et Italiam vituperare? Puto autem nationes, in quibus Ecclesia non reformata est, diversas esse ac ceteras, in quibus Reforma, quae illius temporis corruptioni Ecclesiae Romanae obstitit, mores severos, vi quoque, imposuit. Fortasse erro, puto religionem magni ponderis esse in civium moribus. Si aliquo modo quendam offenderim, veniam peto. - Dominicus

Scripsit - 15/03/2013 22h15

Civitates Unitae, ubi pyroboli veneunt tam copiose quam “hamburger”

Quid ab Hollande Europaei sperent

Aliquid de "globalizatione" dicere liceat

De genocidio et legali veritate

Multi se, nostris diebus, ob iniustitiam defessos confitentur

Subnotationes fient
ante finem Septembris.