Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Saturni die 25 mensis Aprilis 2015
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

POLITICA
Pactio de armis nuclearibus cum Irania

Pactio de armis nuclearibus cum Irania

Potentissimae nationes et Irania pactionem in Lausanna Helvetiorum die Iovis 2 mensis Aprilis celebrarunt, ne Iranii potentiam nuclearem adipiscerentur neve bombam neutronicam fabricarent, atque etiam ut decem sequentes annos actuositas atomica ab iisdem minueretur. Nationes hae sunt Regnum Unitum sive Britannia, Francogallia, Sinae, Russia, Germania, Civitatesque Unitae Septentrionales.

Huius autem pactionis protocollum pridie Kal. Maias rati habendum est ut foedus inter nationes supradictas et Iraniam plane vigeat. Israeliani, qui iam pridem cum Iraniis haud amicaliter invicem sese gerunt, valde huic pactioni adversantur, propterea quod timent ne Iranii, quibus potestas data est ad vestigandum pro progressu, energeia nucleari adhibita, clandestine uranium ditent et bombam tandem perficiant.

Praeterea in Irania pactio probanda est a Parlamento antequam vigeat; ibi sunt parlamentarii qui huic pactioni etiam adversantur quia nolunt suum Praesidem ad Occidentem his pactionibus appropinquare; ex pactione vero putatur (textus certus adhuc ignoratur) Agenturam Internationalem pro Energenia Atomica (AIEA) instrumenta nuclearia Irania examinaturam; tamen parlamentarii et Iranii et Israeliani hanc pactionem eiusque protocollum exigua vel non sufficientia iudicarunt. Quapropter expectandae sunt Kalendae Maiae.

Scripsit Paulus Kangiser - 07/04/2015 11h28


BREVES
Muhammad Mursi, quondam praeses Aegypti necnon dux Fraternitatis Musulmanae, damnatus est in 20 annos carceris propter instigationem tumultus populi. - 21/04/2015 13h01
In Hispania Rudericus Rato, qui vicepraeses fuit, a iudice arreptus est et fraude tributario accusatus; Marianus Rajoy nunc praeses, scandalum Factioni Populari maxime nocere agnoscit remque huius Factionis politicam oportere refici. - 20/04/2015 11h32
Hillaria Clinton, annos 2009-13 secretaria rerum extranearum USA atque uxor praesidis quondam huius terrae Bill Clinton, decrevit se pugnaturam esse pro munere candidatae democratarum in electionibus praesidialibus anni 2016. - 13/04/2015 10h41
VIDE ETIAM





 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: