|
Varsoviae nata |
|
Homo sum humani nihil a me alienum puto. |
| Saturni die 4 mensis Julii 2009 | ||
E variis terris venientes possessores 'trabantium', automobilium scilicet in pristina communistica civitate Germana (DDR) fabricatorum, congregunt in limite Austriae et Hungariae, ut una celebrent vicesimum anniversarium Saeptorum Ferreorum demolitorum.
Biocolyta Pachistanus accendit rogum, in quo comburendae sunt substantiae narcoticae ac potiones alcoholicae contra legem a civibus possessae, quas vigilibus urbis capitalis Islamabad reperire contigerat.
Mulieres Indae spargunt aqua pueros, ut imbres veniant in siccos agros regionis Allahabad.
Illuvies percussit Poloniam meridionalem. In area stativa oppidi Ropczyce ductores autoplaustrara relinquere atque in tutum per aquam vadere coacti sunt.
Sole oriente in mare proficiscuntur captatores locustarum civitatis US-Americae Maine.
Rubro pingendae sunt facies mulierum regionis Agartala Indorum tempore festi Ambubachi.
Calores vero incredibiles! Frigus quaerentes duo viri Sinici prosiliunt in undas flumis Yangtze de ponte urbis Wuhan.
Miles Austrocoreanus vigilat in clare illuminata zona limitali, quae dividit australem et borealem partem Paeninsulae Coreanae.
Scripsit ANL - 03/07/2009 08h04
     |
Viae Regis, in oppido Tusciae, tramen ferriviarium gasum petrolei liquidum (GPL) transpontans apud stationem de via devertit: unde immane incendium exortus est quo domus dirutae sunt, incolae catervatim combusti. - 30/06/2009 21h54
UVF et RHC, armati greges qui diu in Hibernia septemtrionali contra catholicos pugnaverunt, armamentarium suum omnino diruptum esse nuntiaverunt.
Militiae a regimine Persarum missae narrantur noctu domus invadere, supellectilem concidere, inhabitantes percutere, antemnas receptivas auferre. - 27/06/2009 23h38