|
Varsoviae nata |
|
Homo sum humani nihil a me alienum puto. |
| Martis die 13 mensis Maii 2008 | ||
NOVA FABULA ZAFONIANA
Ludi angeli
In mercatum
his diebus venit novus liber scriptoris Hispani, Carlos Ruiz
Zafon, inscriptus "Ludi angeli" (El
juego del angel). Quae fabula Romanensis
apparet septem annis postquam divulgata est "Umbra ventis",
maxime lectoribus gratus liber Zafonianus, translatus in 36
linguas, cuius plus quam 10 miliones exemplariorum per totum
mundum empta sunt.
Zafon monet "Ludos angeli" nullo modo alteram partem "Umbrae ventis" esse, licet nonnullae eius historiae personaeve (ut heros principalis "Umbrae ventis" Daniel Sempere) et hic et illic appareant.
Nova fabula, sicut praeterita, agitur Barcinone, sed aliquot maturius, annis scilicet vicenariis XX saeculi, tempore appropinquantis calamitatis belli civilis. His temporibus scriptor iuvenis David Martin casu ad limen aenigmatis venit, unde viae patent in labyrinthum fallaciarum consiliorumque clandestinorum, quarum nonnulla spectare videntur ad ipsius praeterita...
Ruiz Zafon, qui Barcinone natus est vitam tamen hodie Angelopolitani agit, denuo dixit se nullas sui fabulas in cinemata mutari velle.
Scripsit Stanislaus Tekieli
| BIOGRAPHIAE |
|
De Ioanne Francisco Fernel (1497-1558) Ortum habuit vir ille Francogallus anno circiter 1497 parvo quodam in oppido, quod parum Ambiano (Amiens) distat... |
| SANCTUS |
|
Benedictus Francus Die 26 mensis Martii anno 1748 Benedictus Labre natus est in Franciae septemptrionalis oppido Amette... |
| LAMPAS |
|
Summarium martis 2008 Paulus Gołoburda percontatur Georgium Andruchowycz de eius ultimo libro cuius titulus est Secretum... |
| CINEMATA |
|
De musicis visitantibus Quomodo Arabes et Iudaei inter se colloqui idemque sentire possunt? De hac re brevi et venusto cinemate, primo a se confecto, agit auctor Israëlianus Eran Kolirin. |