Varsoviae nata
per rete divulgata
ad omnia scitu digna spectans

Martis die 9 mensis Augusti 2022
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

OPINIONES
Hic scriptores diversi sententiam suam aperiunt.
DE LIBERTATE EXPRESSIONIS

Politici et philosophi et omnes cives plurimi faciunt libertatem expressionis ad democratias hodiernas perficiendas; haec libertas habetur arx atque praesidium contra potestates quibus statales magistratus utuntur et interdum vel saepe abutuntur; in hac libertate diversa proposita publica possunt coexistere ita ut opiniones minoritatis ne inique deleantur a maioritate; ab eo autem tempore quo Rebellio Francogallica facta est et Statuus Uniti autonomi facti sunt, libertas expressionis servata est velut ius praecipuum ad civium ac reipubliae progressum. Attamen nunc quaerendum est utrum huic libertati limites possint imponi annon, et respondendum est ubique terrarum hi limites agnosci; hi tamen limites non semper sunt puri clarique nam possumus de re disceptare.

Libertate autem expressionis bifariam utimur: ut aut opinemur aut facta resque alienas narremus vel referamus; exinde relatus potest esse iam verus iam falsus; opinio autem nec vera nec falsa sed aut erronea aut certa esse potest; relatus est verus si quae narrantur cum re congruuntur, sin autem falsus; opinio vero potest esse erronea, quamvis credamus esse vera, et potest esse certa, quamvis ceteri dissentiant.

Libertati expressionis variis de causis limites imponi possunt, vel hi: ne contumeliam in alterum eiciamus neve calumniam machinemur, item ne in nagationismum incidamus; nostris vero temporibus novus limes inventus est ne a rectitudine politica aberremus.

Contumeliā, sive verbis sive alio modo commissa, alicuius honos atque honestas laeditur, et differt a calumnia, quae sibi vult accusare quemquam ob delictum quod non commiserit; hae ambae vero in delictis numerantur, sed calumnia quidem gravior habetur.

Negationismus est verae historiae sive realitatis praesertim scientificae negatio; qui negat saepe cupit molestam veritatem vitare, vel holocauston Judaeum vel olim segretationem in Africa Meridionali; aliquae autem nationes lege vetant negationismum et ii, qui holocaustum negant, sunt puniendi; ego autem istam legem non probo non quod holocaustum negem sed quod obstat vestigationibus historicis, nam viris historicis vestigandi libertas convenit et vestigationum fructus, quamvis disputabilis, edendus est. Historia autem non est aut atra aut candida, sed multis locis griseola.

Rectitudo politica nec lege nec magistratuum iussu imponitur, sed a sodalitatibus civium qui, quae dicenda aut non dicenda esse, ex suis praeceptis idiologicis decernunt, adeo ut eos, qui a rectitudine politica aberrant, ludibrio afficiunt. Exinde puto nostris diebus magnum impedimentum libertati expressionis evenire. Possit fieri ut in republica litterarum quam Latinitate colimus, a rectitudine politica possimus discedere et libere de omnibuss rebus humaniter disputemus.

Tandem opinor eos, qui opinionibus violentiam fovent, si violentia tandem ex eorum verbis efficitur, multandos esse.

Ceterum apud Isidorum Hispalensem legitur: infantibus “minus est sermonis expressio” (Etym. Lib. XI, II, 9), id intellegi potest “cogitationum sive idearum expressio”.

Scripsit Paulus Kangiser - 09/11/2019 18h24



Nuntii Latini Stationis Radiophonicae Finnicae

Nuntii Latini Bremenses



.

.



BREVES Foederalis Inquisitionum Tabularii, quod Anglice FBI nuncupatur, emissarii ad pristini praesidis Donaldi Trump, qui interea Novi Eburaci erat, Floridensem villam heri pervenerunt: ipsis enim ministris investigatio agenda erat, qua tabellae ab illo Donaldo Trump ex Alba Domo post consulatus finem ereptae, quamvis pristinus praeses raptum criminosum continuo negaverit, inveniri possint; pyxides ideo nonnullae domo illa per vigilias ablatae sunt, sed inquisitionis exitus adhuc in operto est.
Civitates Unitae munus non remittent erga Formosam, ait relatrix Nancy Pelosi in capite Taipei coram praeside Tsai Ing-wen. Furentes Sinenses nuntiaverunt exercitia militaria prope insulam magno numero navium, armorum, aëronavium apparato.
Terroristicae congregationis Al-Qaeda rector Ayman al-Zawahiri, qui post Osamae Bin-Laden pristini rectoris obitum novus princeps factus est, hesterno die a Boreoamericanis exploratoribus missilibus sine gubernatore Kabuli interfectus est. Quae vero caedes neminem alium attigit ac criminosum hominem diutissime sectatum.
In civitate Indiae Bihar uno die viginti saltem perierunt ob fulminum tempestatem quae pluvias venti Indici subsecuta est nec periculum deerit usque ad exeuntem mensem. Minister Primarius unicuique mortuo compensationem pecuniariam promisit.
Democratiae Birmanicae defensores IV (Phyo Zeya Thaw, Kyaw Min Yu, Hla Myo Aung, Aung Thura Zaw), qui iam mense Augusto capite damnati erant, hesterno die supplicio ultimo affecti sunt. Condemnati praeterea cives CXIII in eiusdem poenae exspectatione esse videntur.


IN ORBE
ATHLETICA
ATHLETICA
IN ORBE
ATHLETICA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: