Varsoviae nata
per rete divulgata
ad omnia scitu digna spectans

Veneris die 20 mensis Septembris 2019
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

HOMINES IN CONSPECTU
Der russische Mathematiker Grigori Perelman hat möglicherweise eines der schwierigsten Probleme der Mathematik gelöst

Perelmanium mathematicum repudiare Nomisma Fieldsianum

Madrito ex urbe (dpa) – Gregorius (Grigori) Perelman Russus mathematicus cum summum praemium matheseos honorificum repudiavit, in conventu mathematicorum internationali collegas suos vehementer perturbavit.


Gregorius Perelman Russus mathematicus ingeniosissimus. videtur solvisse unum ex problematis matheseos difficillimis.

Iohannes (John) Ball praeses Unionis Mathematicae Internationalis (IMU) die Martis nuntiavit Gregorium Russum, cum nollet habere nomisma Fieldsianum accipiendum, non iter fecisse in caput Hispaniae ad nomisma accipiendum. Gregorius quadragenarius primus omnium mathematicorum est, qui respuat hoc nomisma maxime honorabile.

Perelmanus, qui a diurnariis interdum dicitur esse coryphaeus ingeniosissimus aut „homo totius mundi intelligentissimus", hâc repudiatione perturbavit collegas suos, qui Madritum in urbem ex multis regionibus totîus orbis terrarum congregati erant ad 25. (vicesimum quintum) conventum mathematicorum internationalem habendum. Nomisma Fieldsianum, quod saepe comparatur cum Praemio Nobeliano, quarto quoque anno ab Unione Mathematicâ Internationali solet offerri.


Iohannes Carolus rex Hispaniae tria Nomismata Fieldsiana obtulit Andreae (Andrej) Okounkow Universitatis Princetoniensis Professori matheseos, Terentio (Terence) Tao Universitatis Californianae Angelopolitanae necnon Vendelino Werner Francogallo in Germania nato. „Mathesi" Iohannes Carolus inquit, „adiuvamur, ut mundum intellegamus, in quo vivimus". "Praeterea mathêsis confert ad collaborationem nationum, societatum, cultuum civilium firmandam."


Gregorius autem Perelman Petropolitanus fertur solvisse unum ex mathêseos problematîs difficillimîs, de quo solvendo coryphaei huius disciplinae ex centum ferê annîs muginati essent frustra. At îdem Russus nuper dixit relatoribus periodici Americani, c.t. „The New Yorker": „Si emanaverit meam demonstrationem esse rectam, non egebo honore alio ...Iam ex initio dixi me repudiaturum esse illum honorem. Illud nomisma mihi est prorsus nullîus momenti".

"Perelmanius" Iohannes Ball inquit „nomisma Fieldsianum repudiavit, quia sibi videtur a societate mathematicorum esse insulatus. Qui est indole psychicâ aliquatenus insolitâ, sed eâdem etiam allicimur. Non timeo de eius valetudine mentali". Perelmanium nolle fieri „matheseos insigne ostensionale". Iohannes, qui m.Iunio iter fecerat Petropolin, ut Gregorium incitaret ad nomisma accipiendum, narravit Russum, cum cathedram professoralem repudiasset, nunc opere vacare. Diurnarii rettulêrunt Perelmanium apud matrem suam vivere in margine urbis Petropolitanae.

Unio Mathematicorum Internationalis ex a.1936 quarto quôque anno duobus vel maximum quattuor mathematicîs excellentissimîs, quorum aetas est infra annum quadragesimum, offert nomisma, quod appellatum est nomine Iohannis Caroli Fields mathematici Canadiani. Idem nomisma dotatum est decem milibus euronum. Wendelinus Werner Francogallus, qui a.1968 in Germaniâ natus est, hoc praemium desideratissimum accêpit, quod studuit systematibus physicîs mathematicê intelligendîs. Arbitri nomismatis attribuendi iudicavêrunt opere Wendelini mathematici in Universitate Parisiensi Australi operantis repraesentari unam ex matheseos atque physices collusionibus fecundissimîs.

Andreas Okounkow cum propter alia tum praecipuê propter ideas suas novi generis scientificas, quae ab arbitrîs dicuntur probata esse instrumenta potentissima, quibus solverentur numerosa problemata mathematica. Porro arbitri praemiarii verbîs extulêrunt etiam Terentius Tao habendum esse pro solutore problematum multiplici et originali. Quem professorem Universitatis Californianae, cuius interesset studêre disciplinîs mathematicîs vehementer variîs, praeditum esse acumine mentis quadamtenus supraterrestri.

Organisatores dixêrunt huius conventûs universalis, qui fieret a d.22. usque ad d.30. m.Aug., participes esse 3500 mathematicos ex 123 (centum viginti tribus) terrîs oriundos.

Hanc relationem d.22.m.Aug. a.2006 in actis diurnis „Aachener Zeitung" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/

Scripsit Nicolaus Gross - 10/09/2006 20h25



Catherine Gauchon
Artiste peintre



BREVES Extrema condicio imposita est de Brexitu: Ministro Primario Boris Johnson intra duodecimum diem mittendum est consilium ut cum Europa foedus fiat. Aliter, ut ait praeses Finnicus Unionis Europaeae Antii Rinne, omnia ad finem ventura sunt.
Latrina aurea artificis Mauri Cattelan, opus pretiossisimum cui pondo centum tria kiliogrammata, apud Palatium Blenheim exposita in comitatu Oxoniensi erepta est. Visitatoribus licuit ea uti invicem per tria minuta.
Post petitionem terroristicam diebus superioribus apud caput Bactrianum ad Boreoamericanorum legatorum aedes Praeses Trump conuentum cum Talebanorum ducibus ad pacem tractandam aboleuit. "Magni erunt effectus" princeps Talebanorum praedixit.
Hodie Joseph Conte, cui mandatum erat ut novam Italiae gubernationem constitueret ad Quirinalem se contulit ut indicem XXI administrorum ablata exceptione praeberet. Cras coram Praeside rei publicae ius iurandum omnes dabunt. Fides petetur die nono mensis Septembris in consilio legatorum populi. Post sesquiannum novam administrationem idem Minister Primarius creavit, auxilio Quinque Stellarum et Factionis Democraticae.
Sardinia. Francus Columbu annos LXXVIII natus, unus Italorum qui summum trophaeum "Olympiam" ad disciplinam physicam bis uicit, in Sardinia sua imprompte interiit. Amicus ille fidus Arnualdi Schwarzenegger fuit, qui socium plangit.


POLITICA
INSOLITA
POLITICA
SCIENTIAE
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: