Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Martis die 21 mensis Novembris 2017
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

INSOLITA

V Res Mirabiles quae in Luna Relictae Sunt

Abhinc plus quam XL annos homo lunam cepit sed non solum vestigia sed etiam complures alias res reliquit. Exempli gratia:

I - Duae Pilae Pilamallearis

Alanus Shepard erat homo quintus qui in luna ambulavit sed pilamalleo ludere primus. Alanus pilam bis icere conatus est. Primo conato deerravit sed secundo pilam icit et, ut dixit Alanus, perlonge volavit. Clavam agitatoriam (golf club) secum ad terram tulit sed non erat ei satis tempus ut pilas inveniret et referret.

II - “Austronauta qui Cecidit”

Novistine artem in luna esse? Ita vero! Unum exemplum clarum, quod “Astronauta qui Cecidit” (“The Fallen Astronaut”) dicitur, in lunae compo ab grege illius navis sideralis quae Apollo XVI dicitur positum est. Ex aluminio formatum hoc homini signum tantummodo 3.3 uncias longum est.

Signum factum est a Belgico artifice nomine Paulo Van Hoeydonck qui attestatur signum ponendum fuisse erectum ut omnes homines repraesentaret. Sed infeliciter signum relictum est supinum atque iuxtam quendam titulum in quo sunt scripta nomina eorum astronautarum qui dum caelos explorant ceciderunt.

Procul dubio Paulo numquam erit opportunitas signum reponendi.

III - Fragmentm Lavae ex Laco Diaboli in Oregonia Exceptum

Iacobus (James) Irwin, astronauta qui erat gregis particeps navis sideralis nomine Apollo XV, parvum lavae consolidatae fragmentum in luna reliquit. Hoc rudus ex Laco Diaboli qui situs est prope oppidum quod Bend dicitur (Oregoniae) ubi olim NASA astronautas misit ut in saxis colligendis se exercerent. Dum Oregonia versabatur singulus astronauta incolae loci hospes traditus est. Iacobus cum quodam viro nomine Cano (Floyd) Watson amicitiam contraxit. Post quinque annos, cum Iacobum ad lunam iturum esse comperisset, Watson Iacobum ut saxum illo secum ferret rogavit.

Iacobus vere id tulit et ut argumentum ei sit ad Canum photographema misit in quo erat saxi imago cum chirographum in quo scriptum est, “Lava Oregoniensis in Luna!”

IV - Photographema Decolor

Certe multi astronautae in luna imagines luce expresserunt sed astronauta Carolus Dux (Charles Duke) photographema secum ad lunam tulit.

In hac imagine Carolus ipse, uxor nomine Dorothea (Dorothy) et duo filii, Carolus et Thomas, in sedile sedere ostenduntur. Terga est haec inscriptio: “Ecce, familia Astronautae Ducis ex Terra. Ad lunam descendit mense Aprili MCMLXXII.”

Proh dolor, photographemata cito pallent quia luna atmosphera caret igitur solis lux in luna validior est quam in terra. Ita, procul dubio iam post quadraginta quattor annos hoc photographema, quod in sacco plastico servatum est, adusque palluit.

V - Nuntius ex Regina Missus

Grex navis sideralis nomine Apollo XI partem parvam monarchiae Britannicae secum tulerunt. Cum ad lunam venissent astronautae discum parvum (tantummodo 1.5 uncias longum) relinquere rogati sunt. In hoc disco nimis parvis litteris scripti sunt benevolentiae nuntii ex ducibus nobilibus hominibusque cum Papa Paulo VI, Indira Gandhi, Regina Elisabetha II, Dwight Eisenhower, Ioanni Kennedy, Lyndon Johnson, et Ricardo Nixon.

Discus fictus est ut per mille annos superaret. Est etiam quasi monumentum: cum saeculum vicesimum esset violens, duces per totum orbem terrarum ob optimismum eorum de astronavigatione coniuncti sunt.

Scripsit Stephanus Rex - 22/08/2016 15h36




BREVES Praeses Rei Publicae Zimbabwe Robert Mugabe adsensit ut magistratu abiret, a suis partibus coactus, cum vellet uxorem novam praesidem creare. Nunc domi detinetur a militibus, populi et factionis consensu.
Vicarius Ministri Primari Libyci Ahmed Omar Mitig publice declaravit investigationem fore de mercatura migrantium qui venum darentur, ut trames televisificus Cnn in relatione vulgavit.
Belgium. Ipse Minister Catalunensis Puidgemont nova de secessione percontavit: “Liberatio ab Hispania non via obstricta est. Novas negotiationes cupimus.”
Nova de terrae motu superioris diei: CDXLV hominum a terrarum discussione interfecti sunt. Magis quam VII milium hominum vulnerati sunt. Centrum superficiale iactationum in Natione Kurdistan repertum est.
Britannia. Ministra Primaria Theresa May hodie secedendi gratia Nationem suam ab Europa diem constitutam nominavit: die III ante Kalendas Apriles anno MMXIX. Tempore ex illo Brixitus opplebitur.


IN ORBE
POLITICA
INSOLITA
POLITICA
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: