inter alia rara, in nemori Columbiano secta est quae sese uocat Israelitam.

Amazonia est prouincia australis, cuis caput Leticia (Laetitia). colonorum pecorisque causa nemus minuitur. fluit ibi riuus cui Brasilienses nomen dederunt Calderao (aënum, caldaria), eo quod in eius ripis aënum inuenerunt relictum ab alterutro exercitu in bello quod gesserunt Columbia et Peru, anno 1933. neminem fallit hic latuisse usum laticis, ut nunc stare usum cannabis.

ad ripas fluuii habitant coloni ad duodecim, inter eos gnosticus quidam, Guilelmus Mejía, qui, secundum uicinos, ‘reuerendus est quia loquitur ut uir doctus, licet abstrusius’. post breuem nauigationem, Israelitae tandem. unus eorum, indutus tunica et cultu similis Iesu, salutat recitans uersiculum Deuteronomii ducitque uenientes in templum. sabbatum est, omnes congregantur. circa templum sunt casae ligneae. omnes tunicam gerunt albam et limbos uario colore. interim sacerdos lectitabat librum Psalmorum magna cum seueritate. repente intrant hospites eosque salutat et sacerdos uersiculum recitans Exodi et plaudentes congregati. idem respondit magister nauis, quidam garrulus, alterum uersiculum in uice reddens. tunc sacerdos: ‘Athanasius uobis planum faciet ubi gentium uenistis’, qui dixit ad summam: Israelitae sumus, populus a Deo selectus; accessit ecloga Genesis Apocalypsisque ut nuntiarem calamitates mundi imminentes et bellum cruentum et Israelitas parare ad Humanitatem in hospitio accipiendam sic ut Noe fecit in arca. omni quaestioni respondere incipiebant uersiculo quodam, ad summam: Scripturae nobis sunt ius; hic iam octo annos incolimus, uenientes e prouincia Cauca, ubi est sedes nostra; omnes laboramus, sabbatum seruamus, capras sacrificamus; agrum colimus et mel uendimus; nunc sumus 94 et uenient alii, quam ob rem rus amplum petimus.

tempus est reddere, mulieres psallunt et pueri tympanum tangunt.

scripsit Alfredo Molano,8-14 Oct. a. 2006 in ‘El Espectador’, transtulit Quintus Gaetulius Bogotensis.

Scripsit Q. G. B. - 12/10/2006 16h00

DE VIRIDI TUTELA

Elisabetha Latine sciebat

DE REBUS FUNEBRIBUS, EXSEQUIIS SEPULCRISQUE PHILIPPINORUM

NAGASAKIUM

Cur tam multos deos nihil agere et cessare patitur?

.

.

Subnotationes fient
ante finem Septembris.