Varsoviae nata
per rete divulgata
ad omnia scitu digna spectans

Veneris die 29 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
DE CONVENTU IUVENTUTIS CRACOVIAE CONFECTO

DE CONVENTU IUVENTUTIS CRACOVIAE CONFECTO

Conventus iuventutis catholicae totius orbis (WYD) Cracoviae a die 26 ad diem 31 mensis Iulii effectus est. Initium coetus infandae caedis nuntio contristatum est perpetratae in ecclesia apud oppidum Rotomagum in regione Francogallica Normannia, in qua sacerdos provecta aetate et duo obsides a territore islamico trucidati sunt. Ex qua re Pontifex magnum dolorem accepit et expressit.

Inter res magni momenti adventus Pontificis ad campum captivis internecandis Auschwitz non praetermitti potest: praeterita inscriptione “Labor nos liberos facit”, in libro honorifico exaravit: “Domine, miserere; tantae saevitiae ignosce”. Quae verba summa visitationis sunt.

Die Saturni post meridiem Papa Franciscus ad Campum Misericordiae pervenit qui in suburbio Cracoviae situs est ut vigiliae precis adesset, cui sedecies centena milia interfuisse ab apparatoribus feruntur. Antea transierat cum sex pueris Portam Sanctam Iubilaei Misericordiae, quorum quisque unum continentem signavit (duo tamen Americae Septentrionalis et Meridionalis).

Insequenti die vicies quinquies centena milia numerati sunt qui Missae conclusionis participes in Campo Misericordiae fuerunt. In sua homilia, capiens exordium a loco Evangelii calendarii liturgici, Pontifex Franciscus de conventu Iesu et Zachaei tractavit (Lc. 19, 1-10) ut ostenderet quomodo iuventuti Iesus conveniendus esset. Quae sunt difficultates superandae? Zachaeus publicanus fuit, exactor vectigalium, aliena opera abutebatur, tamen voluit ad Iesum appropinquare; parva statura erat, eum pudebat, quod ridiculus in sycomoro collocatus videretur: Iesus eum conspexit arbori insidentem, eum vocavit et dixit se eius domum ire velle. Tertio etiam plebs Zachaeo obstitit, quod infamis reputabatur.

Quamvis prope iisdem vitiis impedirentur, Pontifex monuit iuvenes ut Dei evocationi responderent. “Dum a te postulat ut domum tuam veniat, Iesus, quo modo in Zachaeum se gessit, nomine te appellat. Nos omnes Iesus nomine appellat. Tuum nomen Ei pretiosum est. Nomen Zachaeus, ex sermone illius temporis, memoriam Dei evocabat. Confidite memoria Dei! Eius recordatio non est “discus rigidus”qui perscribit et in archivum omnia nostra elementa ponit , Eius memoria cor est misericordiae plenum, quod gaudet cum certe et definite omnia nostra mali vestigia eradit”.

Celebrata Missa Papa Franciscus proximum conventum iuventutis totius orbis Panamae in America centrali anno MMXIX futurum esse nuntiavit.

Scripsit Lydia Ariminensis - 03/08/2016 13h51



Catherine Gauchon
Artiste peintre

.

.



BREVES Apud Africae civitatis Burkina Faso fines orientales coenautocinetum quoddam forte globum ignivomum subterraneum, qui vero per Islamicos terroristas ibi sitos humatus videtur, hodie conculcavit: homines ideo decem saltem displosione interisse quinqueque offensi esse computantur.
Laetissimum Diem Nativitatis omnibus lectoribus scriptoribusque ominamur!
Cum ante annum atque dimidium Bactrianae terrae potestatem Talebani obtinuissent, iura mulierum extemplo omnibus curae esse coeperunt, praesertim cum de muliebribus institutionibus cogitaretur. Acta diurna Bactriana "Tolo News" administratorum consilium, quod omnes pertimescebant, publicarunt: Bactrianarum mulierum accessus ad universitates "usque ad novum iussum" intermittetur.
Ipse partis conservativae "Fine Gael" rector Leo Varadkar, qui iam ab anno MMXVII usque ad MMXX primarius minister Hiberniae fuit, cum pristinus praeses Micheál Martin progressivus, sicut victorum sodalicii foedere sanctum est, post biennium (MMXX-MMXXII) abdicaverit, hesterno die Hiberniensis consul iterum creatus est.
Hesterno die pristini consularis petitoris Iairi Bolsonaro fautorum centena contra militiae civilis sedem Brasiliae impetum fecerunt, ut cum ad Aloisii Lula creationem tum ad seditionum ducis Josephi Xavante comprehensionem fastidium suum manifestarent. Cum coenautocinetorum quinque vigiliarumque autoraedas nonnullas seditiosi incendiavissent, tumultus cruentissimi evenerunt, quibus civis unus saltem vulneratus est.


SCIENTIAE
SOCIALIA
RELIGIO
SOCIALIA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: