Varsoviae nata
per rete divulgata
ad omnia scitu digna spectans

Veneris die 24 mensis Septembris 2021
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII

DECURIONES DEPULSI

De Concilio Legibus Constituendis

expulsi.jpg

Civitas Hong Kong, quondam Britannorum colonia, anno MCMXCVII Sericis restituta, tres et viginti annos provincia propria rerum administratione gesta, quamquam in rebus externis ex consiliis Pechini captis regitur, tamen in rebus domesticis suis propriis legibus utitur, a suis magistratibus Concilioque Legibus Constituendis gubernatur. Cuius res sic institutae, quae communiter a voce pressa: “una gens, duo rationes” vocantur, foedere cum Britannis sanctae erant.

Huius autem rationis res intestinas gerendi finis civitati factus esse, a nonnullis rerum civilium peritis iam ducitur, quoniam ex quodam edicto mense Novembri Pechini promulgato, quattor decuriones, quod non satis patriam amarent, legibus faciendis obsisterent, improbe suppetias ab Americanis ad res domesticas petivissent, de Concilio Legibus Constituendis repente depulsi sunt. Quo facto, quindecim ultra e ceteris civitatis decurionbus ultro a Concilio discesserunt, ut conlegis dimissis adessent.

Haec mutatio rerum civitatis ab oratoribus ministeriorum rerum externarum et Britannorum, quorum minister Dominicus Raab legem, qua foedus cum gentibus Consocitationis Europeae ictum rumpatur, apud Parlamentum suasit, et Americanorum, quorum minister Michael Pompeo exitum comitiarum praesidi creando respuere videtur, reprehensa est existimataque civitati ex populi voluntate moderandae obficere atque foedus cum Britannis violare.

Nihil ex illis sententiis videbatur Carolinae Lam, praefectae civitatis, magnopere interesse, quae dixerit: decere ab eis, qui patriam amarent suam, civitatem regi; se ipsam gaudere, quod Concilium obstantibus carens leges civitati citius faciliusque sciturum esset.

Scripsit Rufus Britannicus - 16/11/2020 12h53



Catherine Gauchon
Artiste peintre

.

.



BREVES Diebus superioribus, ut ualde notum est, comitia Canadensia euenerunt, quorum exitus nunc praebetur: pars progressiua suffragium maius habuit. Ipse Iustinus Trudeau, qui parti progressiuae praeest, primarius minister ter factus est.
Apud insulas Canarias uulcanus nomine "Cumbre Vieja", id est Antiquus Vertex, conflagrauit atque incendia multa causauit; C saltem domus exustae esse comperiuntur.
Hodie in ciuitate Bactriana Jalalabad contra Talebanos prima petitio euenit: pyrobola incendiaria enim uigiliarum Talebanarum automata nonnulla deleuerunt. Homines II in impetu perierunt ac XIX offensi sunt.
In ciuitate Germanica Hagen hesterno die periculum contra synagogam festo Yom Kippur deditam pertemptatum est: uigiliae Germanicae homines IV comprehenderunt.
Ille Aegyptius Patricius Zaki, qui ante annum ac dimidium in carcerem insons iniectus est, Mansurae nunc criminis accusatur: ipsi enim Zaki V annorum poenam tribunal comminatur, quod nuntia Aegyptia diuulgauit atque contra dictaturam illam Africam propugnauit.


POLITICA
ATHLETICA
ATHLETICA
POLITICA
ATHLETICA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: