Varsoviae nata
per rete divulgata
ad omnia scitu digna spectans

Veneris die 24 mensis Septembris 2021
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII

DE POTENTIA PEDILVSORIS

Nuntium a Certamine Europaeo

uefa.jpg

Incepto Europaeo Pediludii Certamine, pedilusor quidam omnibus gentium patefecit, quantum unus vir praeclarus nutu singulare in mercatura polleat. Nam conventu diurnariorum ante primum Lusitanorum ludum habito, Christianus ille Ronaldo turmae Lusitanicae caput coram diurnariis modo consederat, cum tres lagoenas prae se in mensa appositas conspexit. Earum duas, quae Coca-Cola plenae essent, recusavit et seposuit; tertiam, quae capebat aquam, sustulit et “Aqua,” diurnariis congregatis inquit. Quo gestu ille, quippe qui diaetam salubrem adhibeat et corpus strenue saepissimeque exerceat, id quod notissimum est, videbatur scilicet alios monuisse, ut aquam meram potius biberent, quam potionem bullientem et facticiam.

Conventu concluso, tanta gratia apud fautores pediludii floret atque tot adsectatores sedibus socialibus interretialibus tenet, ut brevi quidem spatio eius societatis, quae Cocam-Colam coquit et vendit, aestimatio M̿M̿M̿M̿ dollaris praecipitata sit atque pretium sortis ordinariae de LVI dollaris et X assibus redacta, ut tunc singuli LV dollaris et XXII assibus constarent

Hanc rem vero ingratam aegre tulerunt qui certamen administrant, quod illa societas ampla magnam pecuniam auctor certaminis eis suppeditet. Re vera, mox per interpretem divulgaverunt, se conventu diurnariorum et aquam et Cocam-Colam pedilusoribus praebere; nec autem tantum munus, neque tantos successus dare et fautoribus et lusoribus posse, nisi tales socitates, qualis societas Cocae-Colae, pecunia se sustinerent.

Eadem autem hebdomada, Germanis a turma Francogallica victis, cum Paulus Pogba lusor medius Francogallicus, qui religionem Islamicam colit, in conventum diurnariorum ingressus lagoenam cervisae Batavicae “Heineken” de medio emovisset, nihil de aestimatione officinae cervisiariae, nec pretium sortis ordinariae, relatum est. Fortasse inter Europaeum Pediludii Certamen, summa aestate, re maioris momenti opus sit, ut fautores pediludii depellantur, quin cervisiam refrigeratam bibant.

Scripsit Rufus Britannicus - 16/06/2021 23h39



Catherine Gauchon
Artiste peintre

.

.



BREVES Diebus superioribus, ut ualde notum est, comitia Canadensia euenerunt, quorum exitus nunc praebetur: pars progressiua suffragium maius habuit. Ipse Iustinus Trudeau, qui parti progressiuae praeest, primarius minister ter factus est.
Apud insulas Canarias uulcanus nomine "Cumbre Vieja", id est Antiquus Vertex, conflagrauit atque incendia multa causauit; C saltem domus exustae esse comperiuntur.
Hodie in ciuitate Bactriana Jalalabad contra Talebanos prima petitio euenit: pyrobola incendiaria enim uigiliarum Talebanarum automata nonnulla deleuerunt. Homines II in impetu perierunt ac XIX offensi sunt.
In ciuitate Germanica Hagen hesterno die periculum contra synagogam festo Yom Kippur deditam pertemptatum est: uigiliae Germanicae homines IV comprehenderunt.
Ille Aegyptius Patricius Zaki, qui ante annum ac dimidium in carcerem insons iniectus est, Mansurae nunc criminis accusatur: ipsi enim Zaki V annorum poenam tribunal comminatur, quod nuntia Aegyptia diuulgauit atque contra dictaturam illam Africam propugnauit.


POLITICA
ATHLETICA
ATHLETICA
POLITICA
ATHLETICA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: