Varsoviae nata
per rete divulgata
ad omnia scitu digna spectans

Martis die 9 mensis Augusti 2022
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII

DE INFANDA SORTE FEMINARUM

Praeda Talebanorum Afghanae factae sunt

afghanae.jpg

Cum Talebanorum adventu Media Aetas, ut ita dicam, redit, ex qua re deterrimus exitus feminis consequitur. Illae enim verae res aestimantur, ideo mulieres a duodecim ad quadraginta annos aetate uxores pugnantium licet fieri vi adhibita ut spolia bellica promissa. Eventus infelix exspectatur ab iis quae extra familiam vitam agunt cum in operis politicis et socialibus deditae sint. Mariam Atahi, quae in capite Kabul multos annos omnibus viribus contendit ad iura feminarum defendenda novit se in summo vitae discrimine esse. Omnes feminae quibus munus est metu terrentur, praesertim magistrae, postea discipulae quae a scholis expellentur. Quod pessimum est, etiam verberationes et lapidationes periculum est ne redeant.

Praeses consociatio Afghanorum in Italia degentium valde sollicitus est de sororibus et earum filiarum etiamque de sorte omnium puellarum: "Italia quodam modo auxilio sit, ut ait, ad defendenda humana iura; una ratio est iter parare pro profugorum salute.”

Iam caput Kabul in potestatem Talebanorum redacta est. Feminae, relicto opere, domi manebunt, sub custodia virili, quibuscum exire poterunt omnino velatae. Barbaries reditura est. Post viginti annos omnia vestigia libertatis eradentur et feminae vehementissime excruciabuntur. Interim legatio Itala vacuefacta est: profecti sunt legati et eorum socii Afghani.

Milites Occidentis abeunt, valete Afghani! Vobis ipsis consulite!

Scripsit Lydia Ariminensis - 16/08/2021 17h13



Catherine Gauchon
Artiste peintre

.

.



BREVES Foederalis Inquisitionum Tabularii, quod Anglice FBI nuncupatur, emissarii ad pristini praesidis Donaldi Trump, qui interea Novi Eburaci erat, Floridensem villam heri pervenerunt: ipsis enim ministris investigatio agenda erat, qua tabellae ab illo Donaldo Trump ex Alba Domo post consulatus finem ereptae, quamvis pristinus praeses raptum criminosum continuo negaverit, inveniri possint; pyxides ideo nonnullae domo illa per vigilias ablatae sunt, sed inquisitionis exitus adhuc in operto est.
Civitates Unitae munus non remittent erga Formosam, ait relatrix Nancy Pelosi in capite Taipei coram praeside Tsai Ing-wen. Furentes Sinenses nuntiaverunt exercitia militaria prope insulam magno numero navium, armorum, aėronavium apparato.
Terroristicae congregationis Al-Qaeda rector Ayman al-Zawahiri, qui post Osamae Bin-Laden pristini rectoris obitum novus princeps factus est, hesterno die a Boreoamericanis exploratoribus missilibus sine gubernatore Kabuli interfectus est. Quae vero caedes neminem alium attigit ac criminosum hominem diutissime sectatum.
In civitate Indiae Bihar uno die viginti saltem perierunt ob fulminum tempestatem quae pluvias venti Indici subsecuta est nec periculum deerit usque ad exeuntem mensem. Minister Primarius unicuique mortuo compensationem pecuniariam promisit.
Democratiae Birmanicae defensores IV (Phyo Zeya Thaw, Kyaw Min Yu, Hla Myo Aung, Aung Thura Zaw), qui iam mense Augusto capite damnati erant, hesterno die supplicio ultimo affecti sunt. Condemnati praeterea cives CXIII in eiusdem poenae exspectatione esse videntur.


IN ORBE
ATHLETICA
ATHLETICA
IN ORBE
ATHLETICA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: