|
|
|
NUNTII 
NAVES BELLICAE IN MARI NOSTROClassis Russica ante Siciliam navigat
Ex nuntiis actorum Italorum Repubblica classis Russicorum, sex
navibus bellicis composita aptis ad ferendos et in litus exponendos LX
currus loricatos et plus quam mille et quingentos milites, cum profecta
esset a Mari Septentrionali medio mense Ianuario fretum Gaditanum
praetergressa est ac nuper in Mare Nostro ante Siciliam coepit transire.
Tamen munus Defensioni Italicae praepositum declaravit navigationem in
aquis communibus confici nec potestatem aliarum rerum publicarum violari.
Timor est ne naves pergant ad Chersonesum Tauricam, prope ad fines
Ucrainae, ut hanc circumeant. Interim vires societatis Nato motus
classis Russicae constanter inspiciunt etiamque ab Aeronautica Itala idem
efficitur.
Hodierno die Minister Primarius Italicus Marius Draghi cum Praeside Russiae
Putin collocutus est de discrimine in Ucraina, de necessaria contentionum
remissione. Inter alia res magni momenti est quod Bladimirus affirmaverit
gasium Italiae praebitum non imminutum iri. Alioquin Europa in spem venit
per legationes gravis rei solvendae inter summas potestates mundanas.
Scripsit
Lydia Ariminensis - 01/02/2022 17h35
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|
