|
|
NUNTII
DE ANGLICA REGINAAnnos LXX regnavit
Britannorum regina Elisabeth II hodie regni sui diem festum septuagesimum celebravit: ipsa nam reginarum omnium longaevissima est, quae Victoriae illius LXIII annorum regni spatium superavit. Elisabeth enim patris Georgii VI solium anno MCMLII habuit, qui postridie Nonas Februarias pulmonum morbo affectus mortuus est: quam ob rem, dum cum marito Philippo, qui superiore anno mortem obiit, in Africana terra Kenyana est, regium munus Elisabeth adepta est. Platino ideo iubilaeus his diebus in Britannia habetur, ut longissimum in insulae historia regnum quam maxime celebretur. Scripsit
Andreas Novocomensis - 06/02/2022 14h03
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|