|
|
NUNTII
DE UCRAINISNuntia Europaea
Russica administratio per Bladimirum Putin recta civitatis Mariupol captionem ultimam nuper publicant, qua de re se officinam "Azovstal", ubi Ucraini milites MM insunt, non attacturos indicant ad copias conservandas suas. Russia interea legatos rerum publicarum Balticarum, id est Lettoniae, Lithuaniae Estoniaeque, expellit, quae vero nationes Foederi illo Atlantico intersunt Sarmatisque hostilissimae; Estonia praeterea verba Iosephi Biden Boreoamericani secuta Russiam severissime accusat genocidii. Crimina interim Russica identidem in civitatibus obsessis reperiuntur ac bellum novum in regionibus Donbassensibus apparatur. Scripsit
Andreas Novocomensis - 21/04/2022 15h00
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|