Varsoviae nata
per rete divulgata
ad omnia scitu digna spectans

Martis die 9 mensis Augusti 2022
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
De bello Georgiano

De bello Georgiano

Praesidens Georgiae MichaŽl Saakashvili in patria sua statum belli proclamavit et ex senatu petiit, ut Georgia sub legem bellicam reducatur: nuntiavit enim Russiam vi Georgiam aggressam esse. Ipse simul negavit in Ossetia meridionali MD homines interiisse, adfirmans perpaucos cives occisos esse; finem denique proeliis imponi proposuit copiasque recedere.

Sed minister Russus rebus externis addictus Sergius Lavrov proclamavit MD homines Tskinvali Veneris die occisos esse, parum occulte regimen USAe sceleris societatis accusans, quod arma rectoribus Georgiae venumdedisset. Agentura Russica Interfax etenim nuntiavit autocineta oneraria ex Turcia Ossetiam versus arma Americanorum vehentes iter fecisse. Saturni die mane aŽronaves armiferae Russorum pyrobolis Tbilisim, caput Georgiae, percusserunt et Potim, maximum portum in ora Georgiana Ponti Euxini, solo adaequaverunt. Regimen ergo et senatus aufugerunt. Auctoritates Moscuae confessae sunt duodecim milites Russos interfectos esse, centum et quinquaginta vulneratos esse, sed negant se Georgiae bellum intulisse.

Vladimirus Putin, olim praesidens nunc rector supremus Russorum, confestim ex Pechino Vladikavkazum, in caput Ossetiae septemtrionalis, se contulit ubi expeditionem patriae suae legitimam et necessariam vocavit, regimen Georgiae exhortans, ut Ossetos meridionales aggredi desinat. Populum Georgiae denique "populum fratris modo" appellavit, quem ipse honore colat.

Scripsit Herimannus Novocomensis - 09/08/2008 21h42



Catherine Gauchon
Artiste peintre

.

.



BREVES Foederalis Inquisitionum Tabularii, quod Anglice FBI nuncupatur, emissarii ad pristini praesidis Donaldi Trump, qui interea Novi Eburaci erat, Floridensem villam heri pervenerunt: ipsis enim ministris investigatio agenda erat, qua tabellae ab illo Donaldo Trump ex Alba Domo post consulatus finem ereptae, quamvis pristinus praeses raptum criminosum continuo negaverit, inveniri possint; pyxides ideo nonnullae domo illa per vigilias ablatae sunt, sed inquisitionis exitus adhuc in operto est.
Civitates Unitae munus non remittent erga Formosam, ait relatrix Nancy Pelosi in capite Taipei coram praeside Tsai Ing-wen. Furentes Sinenses nuntiaverunt exercitia militaria prope insulam magno numero navium, armorum, aŽronavium apparato.
Terroristicae congregationis Al-Qaeda rector Ayman al-Zawahiri, qui post Osamae Bin-Laden pristini rectoris obitum novus princeps factus est, hesterno die a Boreoamericanis exploratoribus missilibus sine gubernatore Kabuli interfectus est. Quae vero caedes neminem alium attigit ac criminosum hominem diutissime sectatum.
In civitate Indiae Bihar uno die viginti saltem perierunt ob fulminum tempestatem quae pluvias venti Indici subsecuta est nec periculum deerit usque ad exeuntem mensem. Minister Primarius unicuique mortuo compensationem pecuniariam promisit.
Democratiae Birmanicae defensores IV (Phyo Zeya Thaw, Kyaw Min Yu, Hla Myo Aung, Aung Thura Zaw), qui iam mense Augusto capite damnati erant, hesterno die supplicio ultimo affecti sunt. Condemnati praeterea cives CXIII in eiusdem poenae exspectatione esse videntur.


IN ORBE
ATHLETICA
ATHLETICA
IN ORBE
ATHLETICA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: