|
|
|
NUNTII 
De Europae recessu
 De Europae recessu
Recedunt civitates Europae, quae eurone utuntur (*): huius
anni enim tertio temporis intervallo trimestri sicut superiore
deminutae sunt ipsarum res oeconomicae duabus millesimis (0,2 %).
Periti iam recessum providerant, qui iam diu et Germaniam et
Italiam recedere pro certo habebant; primum etiam Hiberi regressi
sunt, aliter ac Francogalli, quorum res oeconomicae una tantum
millesima increverunt. Autoraedarum maxime venditiones deminutae
sunt.
Gilbertus Moes, studiosus Argentariae Americae, putat
decrementum per annum permansurum esse, quod usque ad hunc diem
nullum effectum neque argentariarum totius orbis discriminis
neque invitae operis defectonis Europaei experiti sint. Praeter
cetera increscens pretium euronis si cum pondere Britannico aut
USAe dollario compares recessus causa esse retur.
Numquam recesserat euronis zona a novi nummi creatione, quae
anno undebismillesimo facta est. Quandoquidem pretiorum
incrementum tardius fit, praesertim petroleo viliore, Argentaria
Europaea non solum fenus deminuit, sed etiam iterum atque iterum
deminutura esse putatur.
(*) id est Francogallia, Italia, Germania, Belgium,
Hiberniae Res Publica, Batavia, Luxemburgum, Hispania, Lusitania,
Slovenia, Melita, Hellas, Austria, Finnia et Cypros.
Scripsit
Herimannus Novocomensis - 15/11/2008 00h54
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|
