|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
NUNTII 
RES PIRATICA REGNAT IN CORNU AFRICAE Piratas abduxisse permagnam navim cisternariam
Navem iam die Saturni interceptam esse in loco maris 450 miliaribus nauticis ad orientem et meridiem e portu Keniano Mombasa. Nunc "Sirius Star" creditur iam in portu Somaliensi Eyl manere, quae urbs, ut maior pars Somaliae, in manibus est gregis rebellatorum islamisticorum. 25 eius nautae nuntiantur incolumes esse. Nuntiis de raptu allatis pretia petrolei in foris mundi creverunt, licet mane Lunae decrevissent.
Maria ad oras Somaliae spectantia, id est Sinus Adenensis et pars occidentalis Oceani Indici, facta sunt quasi regio paradisiaca piratarum - hic enim tertia pars omnium in orbe terrarum rapinarum marinarum fiat. Primis novem mensibus huius anni 63 naves spe lytri lucruosi hic adbuctos esse aestimat Internationale Officium Maritimum (International Maritime Bureau). 12 navium aut captae in perpetuum putantur aut de forte earum inter piratas et naucleros adhuc negotiatur. 250 nautae ut obsides a piratis teneantur. Mense Septembri navis Ucrainensis "MV Faina" adbucta prope oras Somaliae est, cum 33 currus loricatos Russos vehebat. Hoc tamen in casu piratas verisimiliter primum nescivisse genus mercium a navi portatarum. Scripsit ANL - 18/11/2008 01h21
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Piratae abduxerant Saudicam navem
cisternariam "Sirius Star", quae circiter duo miliones
doliorum petrolei vehenda erat in ora USA, nuntiavit die Lunae
locutor Quintae Classis US-Americanae, quae in Oceano Indico
operatur, locumtenens Nathan Christensen. Petroleum raptum se
aequet circa quartae parti unius diei exportationis Arabiae
Saudicae, quae terra est prima in mundo petrolei exportatrix.
Quae erat iam tertia rapina
in hac regione nuper facta, maxima tamen - si de quantitate
mercium raptarum aestimetur - omnium adhuc post memoriam gentium
in maribus mundi peractarum. 
