Varsoviae nata
per rete divulgata
ad omnia scitu digna spectans

Veneris die 29 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
HOMO SAPIENS NOVUM COGNATUM INVENIT

HOMO SAPIENS NOVUM COGNATUM INVENIT

Floresiensem aliud genus hominum fuisse

Hominem Floresiensem non fuisse pygmaceam formam hominis sapientis, sed omnino aliud genus hominum monstrare novissimas investigationes, de quibus narrant acta "Nature".

Agitur de ossibus ante nonnullos annos in insula Indonesiana Flores repertis, qui spectant sine dubio ad creaturas hominoides, contentio tamen inter palaeoanthropologos erat (et porro manet), utrum haec homines sapientes aut aliud hominis genus fuerint. Attentio scientistarum imprimis in parvam staturam hominoidum adducta erat, esset enim Floresiensis, qui ante octo milia annorum floruisse videtur, altitudine unius tantum metri, pondere 30 chiliogrammatum. Multi ergo crediderunt eum ad gentem pygmaceam nostrum pertinuisse, quae gens fortasse ob morbum quendam corpus sui diminuisset, quod casus interdum testatur apud species geographice ab aliis isolatas, ut sunt gentes insulares.

Relicitis in spelunca ad vicum Liang Bua repertis bene investigatis nunc pateat Floresienses potius aliud genus hominum fuisse, quod genus, ut homo sapiens necnon Neandertalensis, ab eodem proavo, homine scilicet erecto (quem ante milionem annorum in Asiam Meridionalem-et-Occidentalem immigrasse), oriundum esse habetur. Ita saltem putant duo greges studiosorum - ducibus William Jungers US-Americanae Universitatis Stony Brook necnon Eleanor Weston et Adrian Lister Londinensis Musaei Historiae Naturalis - quorum symbolae a "Nature" divulgantur. Amborum gregum theoria nititur inter alia etiam parvi magnitudine cerebri Floresiensium, quod esset 400 centimetrorum cubicorum, tertia ergo parte hominis hodierni at aequa simiis cympansibus. Minime enim credatur evolutionem, etiam quibusdam morbis aliis adversis condicionibus coactam, sivisse capacitatem cerebralem minui. Ceterum monstrant reperta in speluncis Floresiensibus facta hunc hominem satis bonum versatilemque artificem fuisse.

 

Scripsit ANL - 07/05/2009 09h26



Catherine Gauchon
Artiste peintre

.

.



BREVES Apud Africae civitatis Burkina Faso fines orientales coenautocinetum quoddam forte globum ignivomum subterraneum, qui vero per Islamicos terroristas ibi sitos humatus videtur, hodie conculcavit: homines ideo decem saltem displosione interisse quinqueque offensi esse computantur.
Laetissimum Diem Nativitatis omnibus lectoribus scriptoribusque ominamur!
Cum ante annum atque dimidium Bactrianae terrae potestatem Talebani obtinuissent, iura mulierum extemplo omnibus curae esse coeperunt, praesertim cum de muliebribus institutionibus cogitaretur. Acta diurna Bactriana "Tolo News" administratorum consilium, quod omnes pertimescebant, publicarunt: Bactrianarum mulierum accessus ad universitates "usque ad novum iussum" intermittetur.
Ipse partis conservativae "Fine Gael" rector Leo Varadkar, qui iam ab anno MMXVII usque ad MMXX primarius minister Hiberniae fuit, cum pristinus praeses Micheál Martin progressivus, sicut victorum sodalicii foedere sanctum est, post biennium (MMXX-MMXXII) abdicaverit, hesterno die Hiberniensis consul iterum creatus est.
Hesterno die pristini consularis petitoris Iairi Bolsonaro fautorum centena contra militiae civilis sedem Brasiliae impetum fecerunt, ut cum ad Aloisii Lula creationem tum ad seditionum ducis Josephi Xavante comprehensionem fastidium suum manifestarent. Cum coenautocinetorum quinque vigiliarumque autoraedas nonnullas seditiosi incendiavissent, tumultus cruentissimi evenerunt, quibus civis unus saltem vulneratus est.


SCIENTIAE
SOCIALIA
RELIGIO
SOCIALIA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: