Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Solis die 29 mensis Maii 2016
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
TERRAE MOTUS INGENS PERCUSSIT INSULAM IAVAM

TERRAE MOTUS INGENS PERCUSSIT INSULAM IAVAM

Numerus victimarum timetur creturus

Adhuc 44 cadavera humana inventa sunt in regione circa urbem Cianjur insulae Iavae Indonesianae, quae regio terrae motu ingenti die Mercurii afficta est, opitulatores tamen qui auxilium illuc ferunt putant numerum victimarum fore multo maiorem. Usque enim duodeviginti milia (18.000) aedium deleta sunt, nonnulla milia civium inveni non possunt. Qui homines officialiter ut 'amissi' reportantur.

Terrae motus magnitudine septem graduum Richterianorum percussit insulam Iavam, epicentro ictus posito circiter centum chiliometris ad meridiem ab urbe capitali Indonesiae Iacarta. In vico quodam ad Cianjur motus effecit labinam terrae (quae photographemate hic addito clare monstratur), qua multae domus quasi maris unda erepta sunt. In ipso Cianjur necnon vicino oppido Tasikmalaya damna nuntiantur esse permagna ac innumerabilia. Circiter quinque milia huius regionis incolarum sui tecto privati nunc sub Iove manent.

"Timemus numerum mortuorum creturum fore" - dixit diurnariis agenturae Gallicae AFP ductor opitulatorum Maman Susanto.

Scripsit ANL - 03/09/2009 10h36



Catherine Gauchon
Artiste peintre



BREVES In incendio gerontocomii ad Kieviam 17 senes vitam amiserunt.

Secundum nuntios UNHCR, in tribus naufragiis modo factis inter Libyam et Italiam meridionalem usque 700 migratores illegales oras Europaeas petentes vitam amiserunt.
Haybatullah Ahunjadeh nominatus est novus dux talibanorum Afganistaniae, qui locum tenebit modo necati aeroplanis automaticis US-Americanorum Akhtar Mohammed Mansur.
Primum in hoc anno pretium petrolei Brent superavit limen 50$ per dolium.

Monsanto, US-Americana gigantea negotiatio biotechnologica, reiecit oblationem aemulatricis Germanae Bayer se ab ea emptum iri 62 milliardis dolariorum.

Ob paucitatem sacchari suspensa est fabricatio Coca-Colae in Venetiola. Porro Venetiolanis praebetur Coca-Cola Light.
Incursu aeroplanorum automaticorum (Anglice dron) necatum verisimiliter esse ducem talibanorum Afganistaniae Akhtar Mohammed Mansur – nuntiavit locutor Pentagonii.
Super Mare Nostrum volans evanuit aeronavis viatoria societatis EgyptAir generis Airbus A320 Lutetia Parisiorum Cairum Magnam petens. Omnes 66 peregrinatores/aeronatuae timentur mortui in calamitate esse.


INSOLITA
SCIENTIAE
POLITICA
OECONOMIA
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: