NUNTII

SALTEM CENTUM MORTUOS OB ICTUM UNDAE MARIS

Tsunami insulas Pacificas invadit

Die Martis mane tsunami, sive unda effecta a terrae motu subaquaneo, illisit in insulas meridionalis partis Oceani Pacifici: Samoa, Samoa US-Americanae et Tonga. Saltem centum homines vitam amiserunt, cum undae ingentes, altitudine usque 4,5 metra, litus maris percussissent.

Vis motus terrae aestimatur fuisse 8,3 graduum Richterianorum. Numerum mortuorum adhuc reportatorum esse: saltem 77 homines in insulis Samois, plus quam 25 mortui in Samois US-Americanis et saltem sex Tongae. In Samois independentibus circiter 150 plures homines ictu undae vulnerati sunt. Permulti aedes, parvi portus ac deversoria maritima omnino aut fere omnino deleta videntur, primis photographematis relationibusque magnetoscopicis per satellites ex hac regione Pacifica in alias partes mundi transmissis. Ad quam regionem cito accurrunt nunc opitulatores Neozelandenses Australianique.

Secundum testes, de ictu tsunami megaphonia sirenica monuerunt, sed non omnes incolae Samoani decreverunt se statim de litore abituros, nam antea iam satis saepe haec megaphonia falso periculum annuntiavere solebant.

Eodem die Martis mane terrae motus subaquaneus magnitudine 7,9 graduum Richterianorum percussit quoque Indonesianam insulam Sumatram. Unde tamen adhuc nulli nuntii allati sunt de victimis.

Scripsit Stanislaus Varsoviensis - 30/09/2009 15h42

Catherine Gauchon Artiste peintre

TEMPESTAS AMERICANA

FACINUS LUTETIENSE

FOEDUS EUROPAEUM

MISSILIA RUSSICA

DE RE AFRICA

DE RE QATARENSI

RERUM NOVARUM STUDIUM

NOVA UCRAINA

CAPTIVORUM COMMUTATIO

NOVA DE BELLO

DE PERSIA

DE VERBIS RUSSICIS

DE CIVITATE ISLAMICA

POTESTAS BOREOCOREANA

DIES FESTUS PRO FEMINIS HODIE CELEBRATUR

.

.

Subnotationes fient
ante finem Septembris.