Varsoviae nata
per rete divulgata
ad omnia scitu digna spectans

Saturni die 16 mensis Octobris 2021
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
Georgii de nuntiis falsis perterriti sunt

Georgii de nuntiis falsis perterriti sunt

Cum statio televisifica Georgica nuntiavisset copias Russorum denuo in Georgiam invadere praesidemque Saakashwili, quem in imagine adposita aspicis, occisum esse, cives perterriti sunt. In tanta hominum indignatione nihil iam profuit, quod emissione finita diurnarii affirmaverunt fabulam esse fictam minimeque bellum novum imminere. Non solum Russi, sed etiam partes regimini oppositae atque ecclesia eam rem ut facinus indignum vehementer vituperaverunt.

Tamen Saakashwili nuntium illum falsum defendit, qui tempore maxime opportuno emissus erat: nuntium ingratum quidem fuisse, sed proximum veritati. Nina Burdshanadse, quae antea conventui nationali praefuerat, de hac „insolenti impudentia“ indignata est: Saakashwilium timorem Russorum in civitate Georgica excitare velle, ut praesidiatum retineret.

Nuntiatum est homines perterritos raptim eas res emisse, quibus ad victum cottidianum sibi opus esset. Maximam autem perturbationem in urbe Gori fuisse, quae mense Augusto anno MMVIII bello quinque dierum a Russis occupata esset. Matrem militis Georgici emissione visa cordis insufficientiae succubuisse.

Statio illa emissoria, cui nomen Imedi, imaginibus bello illo pristino factis civibus persuadere voluit Russos in Georgiam invasisse praesidemque per insidias occisum esse; deinde a partibus oppositis regimen novum constitutum esse. Postremo confessa est se illum nuntium „per iocum“ emisisse.

Demetrius Rogosin, legatus Russus apud NATOnem, de praeside Saakashwili haec fere dixit: „est homo gravi morbo affectus et periculosus, qui sceleste agit.“

Multitudo hominum in viis urbis Tbilissi (Tiflis) reclamantium poposcit, ut ii poenas darent, apud quos culpa esset. Statio emissoria Imedi apud spectatores se excusavit. Cui tamen plurimas actiones imminere collegium diurnariorum nuntiavit.

Post bellum anno MMVIII gestum provinciae Abchasia et Ossetia meridionalis non iam in potestate Georgiorum sunt. Russi, qui utramque provinciam ut rem publicam liberam agnoverant, Georgiis crimini dant eos bellum parare, ut eas regiones iterum in potestatem suam redigerent.

Scripsit Volfgangus Austriacus - 16/03/2010 07h17



Catherine Gauchon
Artiste peintre

.

.



BREVES In Poenorum capite Beryto colluctatio ciuilis hodie euenit. Hodie enim ciues apud basilicam contra praetorem, qui superioris anni rem portuensem peruestigat, ualde demonstrauerunt. Illis sed ciuibus milites responsum armatum dederunt: per sclopteta nam missilia coniecta sunt ac ciues saltem VI perierunt.
In urbe partis Norvegiae vergentis inter meridiem et orientem solem Danicus triginta septem annorum arcu et sagittis armatus quattuor feminas et unum virum necavit, duos vulneravit. Cum sicarius ad cultum Islamicum se convertisset timor iure erat ne extremistarum partium sectator factus esset.
Post Talebanorum impetum ultimum in Bactrianam terram omnes jihadistarum uim operaque metuunt: quare nationum maximarum XX rectores hodie electronice conuenient, ut de re Bactriana colloquantur. Marius Draghi praeses Italicus conuentui praeest.
Inundatio Sinensis noua post Iulii mensis uastationem doloribus nouis multos afficit: superiore enim septimana in regione septentrionali Shanxi homines innumeri sedes suas reliquerunt; hac tempestate miliones II ciuium ad alium locum migrare coguntur.
Diebus superioribus in Austriacum praesidem Sebastianum Kurz tempestas maxime euenit: ille Kurz ambitus repetundorumque ualde accusatus est. Factiones nonnullae in senatu abdicationem exhortatae sunt, quae demum accidit: Sebastianus Kurz nondum cancellarius Austriacus est. Ipse Kurz ad consulatum ministrum externorum Alexandrum Schallenberg proposuit.


POLITICA
ATHLETICA
ATHLETICA
ATHLETICA
ATHLETICA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: